યુકેના રાજકીય અને આર્થિક કેલેન્ડરમાં સૌથી મોટા ગણાતા એવા બજેટ રજૂઆતનો આજે દિવસ છે. યુકેના ચાન્સેલર જોન હીલે પ્રાઇમ મિનિસ્ટર્સ ક્વેશ્ચન પૂરતા થયા બાદ આજે બપોરે 12:30 વાગ્યે સંસદમાં સ્ટેપ અપ થઈને પોતાનું પહેલું બજેટ રજૂ કરશે. સરકારની ટેક્સ નીતિઓ, પબ્લિક સ્પેન્ડિંગ અને દેશની વ્યાપક ઇકોનોમીની રૂપરેખા નક્કી કરતા આ મહત્ત્વના બજેટનું લાઈવ બ્રોડકાસ્ટ બીબીસી ટુ, આઇટીવી, સ્કાઇ ન્યૂઝ અને પાર્લામેન્ટ લાઈવ ડોટ ટીવી પર કરવામાં આવશે. આ બજેટ પર સમગ્ર દેશની નજર ટકેલી છે કારણ કે તે આગામી સમયમાં સામાન્ય લોકોના ખિસ્સા અને બિઝનેસ જગત પર સીધી અસર કરશે.
આજે રજૂ થનારા બજેટમાં અનેક મોટા ફેરફારો જોવા મળી શકે છે. અંદાજ મુજબ 2 મિલિયન પાઉન્ડથી વધુ કિંમતના ઘરો પર મેન્શન ટેક્સ અને બેંક ટેક્સમાં વધારો થઈ શકે છે. આ ઉપરાંત જાન્યુઆરીથી ઘરના એનર્જી બિલમાં છેલ્લા 4 વર્ષનો સૌથી મોટો ઉછાળો આવી શકે છે, જેમાં વાર્ષિક બિલ 276 પાઉન્ડ વધી શકે છે. જોકે રાહતના સમાચાર એ છે કે ચાન્સેલર જોન હીલે આશરે 23 મિલિયન ઘર માટે ગેસ બિલના સ્ટેન્ડિંગ ચાર્જ એટલે કે ફિક્સ ડેઇલી ફી નાબૂદ કરવાની જાહેરાત કરી છે, જેનાથી લોકોને વાર્ષિક 108 પાઉન્ડની રાહત મળશે. સાથે જ 100 ફૂડ આઇટમ્સ પરથી ટેરિફ હટાવવાની પણ યોજના છે જેથી ઘરદીઠ વાર્ષિક 21 પાઉન્ડ બચી શકે. એમેઝોન અને ઇબે જેવા ઓનલાઈન માર્કેટપ્લેસ પર ટેક્સ વધારીને 1 બિલિયન પાઉન્ડ સુધીની વધારાની આવક ઊભી કરવાનો પ્રસ્તાવ છે, જેની મદદથી નાના હાઈ-સ્ટ્રીટ શોપર્સના બિઝનેસ રેટ્સ ઘટાડી શકાશે.
ઇનકમ ટેક્સ, નેશનલ ઇન્સ્યોરન્સ કે વેટના મુખ્ય દરો નહીં વધારવાની સરકારે ખાતરી આપી છે, પરંતુ ટેક્સ ફ્રી અલાઉન્સ અને થ્રેશોલ્ડમાં ફેરફાર થઈ શકે છે. પેન્શનર્સ માટે સ્ટેટક પેન્શન વધવાની શક્યતા છે અને નીચી આવક ધરાવતા પેન્શનર્સ માટે ટેક્સ ફ્રી અલાઉન્સ વધારીને 13,036 પાઉન્ડ કરવામાં આવે તેવી અપેક્ષા છે. આ ઉપરાંત આલ્કોહોલ ડ્યુટીમાં પણ વધારો થઈ શકે છે જેથી પિન્ટ પરનો ટેક્સ 50 પેન્સથી વધીને 52 પેન્સ થઈ શકે છે. ફ્યુઅલ ડ્યુટી ફ્રીઝ રાખવાની અટકળો વચ્ચે આ બજેટ દેશના કામદારો, પેન્શનર્સ અને સામાન્ય વર્ગના ટેક-હોમ પે પર મોટી અસર છોડશે તે નક્કી છે.
