મહિલા ક્રિકેટમાં ક્રાંતિ લાવનાર વુમન્સ પ્રીમિયર લીગ એટલે કે ડબ્લ્યુપીએલને લઈને એક મોટા સમાચાર સામે આવ્યા છે. બીસીસીઆઈના સેક્રેટરી દેવાજીત સાઈકિયાએ સંકેત આપ્યા છે કે આગામી સમયમાં આ લીગમાં રમનારી ટીમોની સંખ્યા વધારવામાં આવી શકે છે. વર્ષ 2023માં શરૂ થયેલી આ ટૂર્નામેન્ટ હાલમાં 5 ટીમો સાથે રમાઈ રહી છે, પરંતુ હવે તેની લોકપ્રિયતા અને સફળતાને જોતા બોર્ડ તેને વધુ વિસ્તારવા માટે ગંભીરતાથી વિચારી રહ્યું છે. બુધવારે યોજાયેલા ઓશનના સમયે આ અંગે ચર્ચાઓ શરૂ થઈ ચૂકી છે અને આગામી વર્ષથી આ દિશામાં નક્કર પગલાં ભરવામાં આવશે.
ઓશન દરમિયાન વાતચીત કરતા દેવાજીત સાઈકિયાએ જણાવ્યું હતું કે આગામી વર્ષથી અમારે ટીમોની સંખ્યા વધારવા તેમજ અન્ય ક્ષેત્રોમાં સુધારો કરવા માટે ખાસ બેઠકો અને મંથન કરવું પડશે. આ લીગમાં માત્ર ખેલાડીઓ જ નહીં, પરંતુ કોચ, સિલેક્ટર્સ અને અન્ય સ્ટેકહોલ્ડર્સ પણ મોટી સંખ્યામાં જોડાયેલા છે. તાજેતરમાં જ યોજાયેલા ઓશનમાં ઓસ્ટ્રેલિયાની દિગ્ગજ ખેલાડી સોફી મોલિન્યુક્સ માટે મોટી બોલી લાગી હતી, જેમાં યુપી વોરિયર્ઝની ટીમે તેને ખરીદવા માટે 1.10 કરોડ રૂપિયાનો જંગી ખર્ચ કર્યો હતો, જે આ ટૂર્નામેન્ટનું વધતું આર્થિક અને રમતનું સ્તર દર્શાવે છે.
બીસીસીઆઈના અગાઉના નિવેદન મુજબ ડબ્લ્યુપીએલે છેલ્લા 4 વર્ષમાં લાંબી મજલ કાપી છે અને આજે આ લીગ મહિલા ક્રિકેટની દુનિયા પર રાજ કરી રહી છે. આઈપીએલ બાદ ફ્રેન્ચાઈઝી ક્રિકેટમાં ડબ્લ્યુપીએલ આજે સૌથી મોટી લીગ પૈકીની એક બની ગઈ છે. ભારતમાં મહિલા ક્રિકેટને આગળ લાવવામાં અને તેને નવી ઊંચાઈઓ પર લઈ જવામાં આ ટૂર્નામેન્ટનું યોગદાન સૌથી મોટું રહ્યું છે. આગામી સમયમાં ટીમો વધવાથી વધુ યુવા પ્રતિભાઓને મોટો સ્ટેજ મળશે અને રમત વધુ રોમાંચક બનશે.
