લંડનની સાઉથવર્ક ક્રાઉન કોર્ટમાં 29 ઓક્ટોબર 2026ના રોજ સેક્સુઅલ અસૉલ્ટ અને રેપના ગંભીર આક્ષેપોનો સામનો કરી રહેલા જાણીતા કોમેડિયન અને એક્ટર રસેલ બ્રાન્ડના કેસમાં નવો વળાંક આવ્યો છે. આ હાઇ-પ્રોફાઇલ ટ્રાયલના ત્રીજા અઠવાડિયામાં રસેલની પત્ની લૌરા બ્રાન્ડ (પહેલાં લૌરા ગેલાચર) પોતાના પતિના બચાવમાં વિટનેસ તરીકે કોર્ટમાં હાજર રહી હતી. રસેલ બ્રાન્ડ સામે 1999થી 2009ની વચ્ચે બનેલી ઘટનાઓ અંગે 6 મહિલાઓએ રેપ અને સેક્સુઅલ અસૉલ્ટ સહિતના કુલ 7 ગંભીર આરોપો મૂક્યા છે. જો કે, રસેલે શરૂઆતથી જ પોતાના ઉપર લાગેલા તમામ આક્ષેપોને નકારી કાઢ્યા છે અને આ મામલે કોર્ટમાં કાનૂની લડાઈ ચાલી રહી છે.
કોર્ટમાં પોતાની testimony આપતી વખતે 38 વર્ષીય લૌરા બ્રાન્ડે રસેલના વખાણ કરતા જણાવ્યું હતું કે તેનો પતિ ખૂબ જ કેરિંગ, દયાળુ અને સંતાનો માટે એક વન્ડરફુલ ફાધર છે. લૌરાએ કોર્ટને જણાવ્યું કે રસેલ એક અત્યંત અટેન્ટીવ હસબન્ડ પણ છે. લૌરાએ તેમના સંબંધોના ભૂતકાળ વિશે વાત કરતા સ્વીકાર્યું કે શરૂઆતના વર્ષોમાં મોનોગેમીને લઈને મુશ્કેલીઓ આવી હતી અને 2007માં તેઓ અલગ પણ થઈ ગયા હતા કારણ કે તે અન્ય મહિલાઓ સાથે સંબંધો રાખે તે તેને મંજૂર નહોતું. વર્ષ 2006માં મળ્યા બાદ તેઓ 2015માં ફરીથી ભેગા થયા ત્યારે રસેલના સ્વભાવમાં ઘણો બદલાવ આવ્યો હતો. આ પછી વર્ષ 2016માં તેમની દીકરી માબેલનો જન્મ થયો અને 2017માં આ યુગલે લગ્ન કરી લીધા. તેમને હવે પેગી અને હર્બ નામના અન્ય બે સંતાનો પણ છે.
સ્કોટીશ ગોલ્ફર બર્નાર્ડ ગેલાચરની પુત્રી અને ટીવી પ્રેઝન્ટેર કિરસ્ટી ગેલાચરની બહેન એવી લૌરા સામાન્ય રીતે લાઈમલાઈટથી દૂર જ રહેવાનું પસંદ કરે છે, પરંતુ આ મુશ્કેલ સમયમાં તે પોતાના પતિની પડખે ઊભી રહી છે. હાલ કોર્ટમાં જ્યુરી સભ્યો દ્વારા આ કેસના તમામ પુરાવ અને દસ્તાવેજોની ચકાસણી કરવામાં આવી રહી છે. પત્ની લૌરાની આ testimony બચાવ પક્ષની રજૂઆતનો એક મહત્વપૂર્ણ ભાગ છે. આ ટ્રાયલ હજુ ચાલુ છે અને જ્યુરી દ્વારા તમામ સાક્ષીઓ અને પુરાવાઓની ગંભીરતાથી સમીક્ષા કર્યા બાદ જ આ મામલે આખરી ચુકાદો આપવામાં આવશે.
