નવી દિલ્હીમાં ઇન્સ્ટિટ્યુટ ફોર સ્ટડીઝ ઇન ઇન્ડસ્ટ્રીયલ ડેવલપમેન્ટ દ્વારા યોજાયેલા એક કાર્યક્રમમાં બોલતા એસી-પીએમ (EAC-PM)ના ચેરમેન એસ મહેન્દ્ર દેવે આગામી વર્ષોમાં સરકારે દેશમાં રોજગારીનું સર્જન કરતા લેબર-ઇન્ટેન્સિવ સેક્ટર્સ તેમજ ફ્રન્ટિયર ઇન્ડસ્ટ્રીઝ બંનેને પૂરતો સપોર્ટ આપવો જોઈએ તેમ જણાવ્યું હતું. તેમણે ખાસ ભારપૂર્વક કહ્યું કે આ પ્રકારનો સપોર્ટ ખૂબ જ આયોજનબદ્ધ હોવો જોઈએ, જે ચોક્કસ લક્ષ્યો સાથે જોડાયેલો હોય અને તેની નિયમિત સમીક્ષા પણ થવી જોઈએ જેથી પબ્લિક રિસોર્સિસનો શ્રેષ્ઠ ઉપયોગ થઈ શકે. આ સાથે તેમણે એમ પણ સ્પષ્ટ કર્યું કે આત્મનિભર ભારતનો અર્થ ક્યારેય એવો નથી થતો કે ભારત 1991 પહેલાના સમયમાં પાછું જઈ રહ્યું છે, પરંતુ અમારો હેતુ તમામ ફર્મ્સની કોમ્પિટિટિવનેસ એટલે કે સ્પર્ધાત્મકતાને મજબૂત કરવાનો છે.
દેશમાં ઇન્ડસ્ટ્રિયલ ગ્રોથની વિગતો આપતા તેમણે ટેક્સટાઇલ્સ, અપેરલ, ફૂટવેર અને ફૂડ પ્રોસેસિંગ જેવા સેક્ટર્સ મોટા પ્રમાણમાં એમ્પ્લોયમેન્ટ જનરેટ કરી શકે છે તેમ જણાવ્યું હતું, જ્યારે સેમિકન્ડક્ટર્સ, ઇલેક્ટ્રોનિક્સ કોમ્પોનેન્ટ્સ, એડવાન્સ્ડ મટીરિયલ્સ અને ક્લીન ટેક્નોલોજી જેવી ફ્રન્ટિયર ઇન્ડસ્ટ્રીઝ ભારતની ટેક્નોલોજીકલ તાકાત વધારશે. જોકે, તેમણે એમ પણ સ્વીકાર્યું કે ભારતમાં ઇન્ડસ્ટ્રીયલાઇઝેશન માટે જમીનની ઉપલબ્ધતા એક મોટો પડકાર છે અને ચીનની જેમ ભારતમાં 500થી 1000 કર્મચારીઓ ધરાવતી મિડલ-સાઇઝ્ડ ફર્મ્સની પણ અછત છે. આ ઉપરાંત તેમણે પ્રોડક્ટ્સની ગુણવત્તા સુધારવા, ક્રેડિટ અને સ્કિલ્સ ડેવલપમેન્ટ પર પણ ખાસ ધ્યાન દોર્યું હતું.
વર્તમાન વૈશ્વિક પરિસ્થિતિની વાત કરીએ તો, જિયોપોલિટિકલ ટેન્શન અને ટેરિફમાં ફેરફારના કારણે ગ્લોબલ સપ્લાય ચેઇનમાં મોટા બદલાવ આવી રહ્યા છે અને કંપનીઓ હવે એક જ લોકેશન પર નિર્ભર રહેવાને બદલે ડાયવર્સિફાય થઈ રહી છે, જે ભારત માટે એક સોનેરી તક છે. ભારતે આ બાબતે પહેલેથી જ ફાયદો મેળવવાનું શરૂ કરી દીધું છે અને છેલ્લા 1 વર્ષમાં જ અમેરિકામાં શિપ થતા સ્માર્ટફોન્સમાં ભારતનો હિસ્સો આશરે 1 માંથી વધીને 4 માંથી 10 કરતા પણ વધુ થઈ ગયો છે, જ્યારે ઇલેક્ટ્રોનિક્સ એક્સપોર્ટ્સ પણ એક દાયકામાં 8 ગણાથી વધુ વધી ગયા છે. આ શરૂઆતની સફળતાઓને મોટા પાયે ઇન્ડસ્ટ્રિયલ ટ્રાન્સફોર્મેશનમાં બદલવા માટે ગ્લોબલ સ્ટાન્ડર્ડ મુજબ સ્કેલ, કોમ્પિટિટિવ કોસ્ટ અને કન્સીસ્ટન્ટ ક્વોલિટી પૂરી પાડવી ખૂબ જ અનિવાર્ય છે.
