બ્રિટનના ચાન્સેલર ઓફ ધ એક્સેchequer જ્હોન હેલી આજે એટલે કે બુધવારે સંસદમાં તેમનું પહેલું બજેટ સ્ટેટમેન્ટ રજૂ કરશે. જુલાઈમાં ચાન્સેલર તરીકે પદ સંભાળ્યા બાદ જ્હોન હેલી માટે આ પહેલી મોટી ટેસ્ટ છે. 11 ડાઉનિંગ સ્ટ્રીટ ખાતેથી તેમની ટીમ અને પરંપરાગત લાલ બ્રિફકેસ સાથે તેઓ બહાર આવ્યા હતા અને જીએમટી સમય મુજબ બપોરે 12:30 વાગ્યે આ બજેટ ભાષણ શરૂ થવાની અપેક્ષા છે. હાલમાં બ્રિટનમાં મોંઘવારી વધીને લગભગ 1 વર્ષની ઊંચી સપાટીએ એટલે કે 3.5% પર પહોંચી ગઈ છે, જેના કારણે સામાન્ય જનતા અને બિઝનેસમેન વર્ગ સરકાર તરફ મીંડી માંડીને બેઠો છે કે તેમને આર્થિક રાહત ક્યારે મળશે.
વર્તમાન આર્થિક સ્થિતિની વાત કરીએ તો, ઈરાન યુદ્ધના કારણે ફ્યુઅલ પ્રાઇસ સતત વધી રહી છે અને આગામી દિવસોમાં મોંઘવારી હજુ ઉપર જઈ શકે છે. આ વધતી મોંઘવારીને કાબૂમાં લેવા માટે બેંક ઓફ ઇંગ્લેન્ડ વ્યાજદરમાં પણ વધારો કરી શકે છે, જેનાથી સરકારનું દેવું ચૂકવવાનું ભારણ પણ વધી જશે. જોકે, બ્રિટિશ ઇકોનોમી ધારણા કરતાં વધુ મજબૂત રહી છે અને સારો ગ્રોથ નોંધાવ્યો છે, છતાં સરકાર પાસે નાણાકીય મર્યાદાઓ હોવાથી આ બજેટ પ્રમાણમાં શાંત અને મર્યાદિત ખર્ચવાળું રહેવાની શક્યતા છે. પ્રાઇમ મિનિસ્ટર એન્ડી બર્નહામની સરકારે હોમલેસનેસ ઘટાડવા, વડીલોની કેર સુધારવા અને ડિફેન્સ પાછળનો ખર્ચ વધારવાના લક્ષ્યાંકો રાખ્યા છે, પરંતુ તેને ફંડ કરવા માટે ટેક્સ વધારવા કે ખર્ચ ઘટાડવા જેવા કઠિન નિર્ણયો લેવા પડી શકે છે.
આ બજેટમાં મુખ્યત્વે કોસ્ટ-ઓફ-લિવીંગ ક્રાઈસિસ અને એનર્જી બિલ્સ ઘટાડવા પર સૌથી વધુ ધ્યાન આપવામાં આવશે. સામાન્ય લોકોને રાહત આપવા માટે સરકારે અગાઉ જ ડોમેસ્ટિક નેચરલ ગેસ બિલ પર લાગતો ચાર્જ નાબૂદ કરી દીધો છે અને આ બજેટમાં પણ કુટુંબો તથા બિઝનેસને ટેમ્પરરી આસિસ્ટન્સ મળે તેવી જાહેરાતો થઈ શકે છે. ઓનલાઈન માર્કેટપ્લેસ પર ટેક્સ પાલન વધારવું અને પહેલીવાર ઘર ખરીદનારાઓ માટે સપોર્ટ પૂરો પાડવો જેવા પગલાં પણ લેવાઈ શકે છે. ચાન્સેલરે સ્પષ્ટ કર્યું છે કે તેમની નીતિ નિષ્ફળ એનર્જી પોલિસી સામે રેખા દોરશે જેથી ગ્લોબલ શોક્સ સામે લોકોને રક્ષણ મળી શકે. હવે જોવું એ રહ્યું કે બોન્ડ માર્કેટ ઇન્વેસ્ટર્સને નારાજ કર્યા વગર સરકાર આ તમામ વચનો કેવી રીતે પૂરા કરે છે.
