દ્વારકા તાલુકાના નાગેશ્વર વિસ્તારમાં આવેલા વાડી વિસ્તારમાં રહેતો 20 વર્ષીય કારાભા પ્રતાપભા સુમણીયા ગત તા. 11ના રોજ બપોરના સમયે પોતાના બાઈક પર જઈ રહ્યો હતો. તેduring દ્વારકા-નાગેશ્વર રોડ પર આવેલા ધ્રાસણવેલ ગામ પાસેથી પસાર થઈ રહ્યો હતો તે જ અરસામાં પૂરઝડપે આવી રહેલા જીજે-26-એકે 0728 નંબરના ફોર વ્હીલરના ચાલકે તેના બાઈકને જોરદાર ટક્કર મારી હતી. આ અકસ્માતમાં બાઈકચાલક યુવાન ફંગોળાઈને નીચે પટકાયો હતો અને તેને શરીરના ભાગે ગંભીર ઈજાઓ પહોંચી હતી.
આ અકસ્માતમાં કારાભા સુમણીયાના પગમાં ગંભીર ફ્રેક્ચર થઈ ગયું હતું. અકસ્માત સર્જ્યા બાદ માનવતા ભૂલીને ફોર વ્હીલનો ચાલક રોડ પર જ ઈજાગ્રસ્ત યુવાનને તલડતો મૂકીને પોતાની ગાડી સાથે સ્થળ પરથી ફરાર થઈ ગયો હતો. ઘટના બાદ સ્થાનિક લોકોની મદદથી યુવાનને હોસ્પિટલ ખસેડવામાં આવ્યો હતો, જ્યાં તેની સારવાર કરવામાં આવી હતી.
ઘટનાના લાંબા સમય બાદ સ્વસ્થ થયેલા ઈજાગ્રસ્ત યુવાન કારાભા સુમણીયાએ હિમ્મત દાખવીને ગઈકાલે અકસ્માત સર્જનાર તે ફોર વ્હીલના ચાલક સામે પોલીસ સ્ટેશનમાં સત્તાવાર ફરિયાદ નોંધાવી છે. પોલીસે ગુનો નોંધીને નંબરના આધારે ફરાર થઈ ગયેલા કારચાલકને ઝડપી પાડવા માટેના ચક્રો ગતિમાન કર્યા છે અને આગળની કાયદેસરની કાર્યવાહી હાથ ધરી છે.
