JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
કાનૂની ક્રાઈમ

લેપટોપ ફેલ થતાં ગુમાવેલો ડેટા મહિલાને ભારે પડ્યો, એચપી કંપની સામે કોર્ટે વળતર યથાવત રાખ્યું

લેપટોપ ફેલ થતાં ગુમાવેલો ડેટા મહિલાને ભારે પડ્યો, એચપી કંપની સામે કોર્ટે વળતર યથાવત રાખ્યું
પશ્ચિમ વર્જિનિયામાં લેપટોપ અને રિપ્લેસમેન્ટ ડિવાઈસમાં બગડાને કારણે મહત્વનો ડેટા ગુમાવનાર ગ્રાહક સામે કાનૂની લડાઈમાં હાર્યા બાદ ટેક જાયન્ટ એચપી કંપનીએ ચૂકવવું પડશે હજારો ડૉલરનું વળતર.

પશ્ચિમ વર્જિનિયાના રહેવાસી એવા મિસ્ટર થોમસે જુલાઈ ૨૦૧૯માં બેસ્ટ બાય સ્ટોરમાંથી એચપીનું લેપટોપ ખરીદ્યું હતું અને તેની સાથે એક્સટેન્ડેડ વોરંટી પણ લીધી હતી. મૂળ કમ્પ્યુટરમાં ટેકનિકલ ખામી સર્જાતા કંપનીએ વોરંટી હેઠળ નવું રિપ્લેસમેન્ટ લેપટોપ આપ્યું હતું, પરંતુ કમનસીબે આ નવું ડિવાઈસ પણ છ મહિનામાં જ ખરાબ થઈ ગયું અને તેમનો વર્ષોનો કિંમતી ડેટા હંમેશાં માટે નાશ પામ્યો. આ વારંવારના હાર્ડવેર ફેલ્યોર અને અનધિકૃત સબસ્ક્રિપ્શન ચાર્જથી પરેશાન થઈને ગ્રાહકે ખરીદ કિંમતની રિફંડ અને વળતર માટે સિવિલ કોર્ટમાં કાનૂની કેસ દાખલ કર્યો હતો.

આ કેસમાં સૌથી મોટો વળાંક ત્યારે આવ્યો જ્યારે એચપી કંપનીએ કાનૂની નોટિસ મળ્યા બાદ અંદાજે અઢાર મહિના સુધી કોઈ જ જવાબ ન આપ્યો. કંપનીના આંતરિક વહીવટી તંત્રની બેદરકારીના કારણે કાનૂની દસ્તાવેજો મેડિકલ રજા પર રહેલા કર્મચારીને ભૂલથી મોકલી આપવામાં આવ્યા હતા, જેના પરિણામે કોર્ટે નવેમ્બર ૨૦૨૨માં ગ્રાહકની તરફેણમાં ચુકાદો આપીને ૧૫,૫૦૭.૯૨ ડૉલરનું વળતર મંજૂર કર્યું હતું. આ રકમમાં ક્ષતિગ્રસ્ત લેપટોપ, રિપ્લેસમેન્ટ ડિવાઈસ, ઇંક ચાર્જ અને માનસિક ત્રાસ સામે વળતરનો સમાવેશ થાય છે, સાથે જ પિયુનિટીવ ડેમેજ અને વકીલની ફી અલગથી નક્કી કરવામાં આવી હતી.

જ્યારે એચપી કંપનીને આ ડિફોલ્ટ જજમેન્ટની જાણ થઈ ત્યારે તેમણે રાજ્યની ઉચ્ચ અદાલતોમાં અપીલ કરીને કેસ રદ કરાવવાના પ્રયાસો કર્યા, પરંતુ પશ્ચિમ વર્જિનિયાની સુપ્રીમ કોર્ટ ઓફ અપીલ્સે કંપનીની દલીલો ફગાવી દીધી હતી. અદાલતે સ્પષ્ટ કર્યું કે આંતરિક ભૂલને કારણે અઢાર મહિના સુધી કોર્ટમાં હાજર ન રહેવું એ કોઈ વ્યાજબી બહાનું નથી અને ૧૫,૫૦૭.૯૨ ડૉલરનું વળતર અને કાનૂની ખર્ચ યથાવત રાખ્યો હતો. જો કે, આ ચુકાદામાં ૨૦,૦૦૦ ડૉલરના પિયુનિટીવ ડેમેજના મુદ્દે ન્યાયાધીશો વચ્ચે મતભેદો પણ જોવા મળ્યા હતા, પરંતુ ગ્રાહક સુરક્ષા અને કોર્ટની કાર્યવાહીમાં બેદરકારી દાખવવા બદલ કંપની આખરે જવાબદાર ઠરી છે.

કાનૂની ક્રાઈમ વિભાગના વધુ સમાચાર

LATEST ARTICLES