ધોરાજી શહેરના પોસ્ટ ઓફિસ ચોક ખાતે આવેલી જાણીતી શાશ્વત હોસ્પિટલ દ્વારા આગામી તા. ૨૦ ના રોજ 'વર્લ્ડ પાઇલ્સ ડે' (વિશ્વ પાઇલ્સ દિવસ) ના ઉપલક્ષ્યમાં એક વિશેષ અને ઉપયોગી સેવાયજ્ઞનું આયોજન કરવામાં આવ્યું છે. આ કેમ્પમાં હરસ, ભગંદર અને મસા જેવી અત્યંત પીડાદાયક અને જટિલ બીમારીઓથી પીડાતા દર્દીઓનું નિષ્ણાત ડૉક્ટરો દ્વારા નિશુલ્ક નિદાન કરવામાં આવશે. આજના ભાગદોડ ભરેલા જીવન અને ખાવાપીણીની અનિયમિત આદતોને કારણે આ પ્રકારની ગુપ્ત બીમારીઓનું પ્રમાણ સતત વધી રહ્યું છે, જેને ધ્યાનમાં રાખીને હોસ્પિટલ દ્વારા આ સરાહનીય પહેલ કરવામાં આવી છે.
આ નિ:શુલ્ક નિદાન કેમ્પનો સમય બપોરે ૪:૩૦ થી સાંજના ૮:૩૦ કલાક સુધીનો રાખવામાં આવ્યો છે, જેથી નોકરી કે ધંધા સાથે સંકળાયેલા નાગરિકો પણ સરળતાથી તેનો લાભ લઈ શકે. હોસ્પિટલના સેવાભાવી ડૉ. રોહિત બાલધા દ્વારા અખબારી યાદીમાં જણાવવામાં આવ્યું છે કે, માત્ર નિદાન જ નહીં પરંતુ જરૂરિયાતમંદ દર્દીઓને ખૂબ જ રાહત દરે ઓપરેશન કરી આપવામાં આવશે, જેથી આર્થિક રીતે નબળા વર્ગના લોકોને પણ ઉત્તમ પ્રકારની તબીબી સારવાર મળી રહે. હોસ્પિટલ પ્રશાસન દ્વારા દર વર્ષે આ દિવસે આ પ્રકારના લોકઉપયોગી કેમ્પોનું આયોજન કરવામાં આવે છે.
આ કેમ્પનો લાભ લેવા માટે દર્દીઓએ અગાઉથી જ પોતાનું નામ નોંધાવવાનું રહેશે. રજીસ્ટ્રેશન માટે હોસ્પિટલ દ્વારા મોબાઈલ નંબર 9913747152 જાહેર કરવામાં આવ્યો છે, જ્યાં ફોન કરીને દર્દીઓ સમયસર પોતાનું નામ નોંધાવી શકશે. ધોરાજી અને આસપાસના ગ્રામ્ય વિસ્તારોના નાગરિકો કે જેઓ આ બીમારીથી પીડાઈ રહ્યા છે તેમને આ નિષ્ણાત કેમ્પનો મહત્તમ લાભ લેવા માટે હોસ્પિટલ પરિવાર દ્વારા અનુરોધ કરવામાં આવ્યો છે.
