અમદાવાદના બોપલ ખાતે રમતગમતક્ષેત્રે ઉત્સાહ વધારતી આંતરશાળા વોલીબોલ સ્પર્ધા એટલે કે વોલીજા સિઝન 5 નો શાનદાર પ્રારંભ થઈ ચૂક્યો છે. આ રોમાંચક ટુર્નામેન્ટમાં અમદાવાદભરમાંથી કુલ 20 શાળાઓ અને તેમની 30 જેટલી ટીમોએ ઉત્સાહપૂર્વક ભાગ લીધો છે. કાર્યક્રમની શરૂઆત શાળાના એડમિન હેડ આર.ડી. દ્વારા ત્યાં ઉપસ્થિત તમામ મહાનુભાવોના સન્માન સાથે કરવામાં આવી હતી, જેનાથી ખેલાડીઓનો જોશ વધુ બે ગણો વધી ગયો હતો.
આ માત્ર એક રમતગમતની સ્પર્ધા નથી પરંતુ યુવા પ્રતિભાઓને પ્રોત્સાહિત કરવાનો, તેમનામાં ટીમભાવના વિકસાવવાનો અને રમતગમતના માધ્યમથી તેમનું ઉજ્જવળ ભવિષ્ય ઘડવાનો એક સશક્ત પ્રયાસ છે. આ ભવ્ય આયોજનમાં અમદાવાદના મેયર સહિતના કોર્પોરેટરો અને સ્થાનિક પદાધિકારીઓ પણ ખાસ ઉપસ્થિત રહીને યુવા ખેલાડીઓનો હોંસલો વધાર્યો હતો. આ પ્રકારના આયોજનોથી વિદ્યાર્થીઓમાં ખેલદિલી અને શિસ્ત જેવા ઉત્તમ ગુણોનું સિંચન થાય છે.
આવી પહેલો વિદ્યાર્થીઓમાં આત્મવિશ્વાસ વધારવાની સાથેસાથે ભવિષ્યના પ્રતિભાશાળી ખેલાડીઓ માટે રમતગમતની દુનિયામાં નવી તકોના દ્વાર ખોલી આપે છે. સ્કૂલના સ્તરેથી જ બાળકોને આવું મોટું પ્લેટફોર્મ મળવાથી તેઓ ભવિષ્યમાં રાજ્ય અને દેશ માટે રમવા તૈયાર થાય છે. આ સિઝન 5 ના સફળ પ્રારંભથી બોપલ વિસ્તારના સ્પોર્ટ્સ પ્રેમીઓમાં પણ ભારે ઉત્સાહ જોવા મળી રહ્યો છે અને આગામી દિવસોમાં વધુ રોમાંચક મેચો જોવા મળશે તેવી અપેક્ષા છે.
