આર્ટિફિશિયલ ઇન્ટેલિજન્સ જગતની દિગ્ગજ કંપની Anthropic દ્વારા આ અઠવાડિયે સત્તાવાર રીતે આઈપીઓ ફાઇલિંગ કરવામાં આવ્યા બાદ પ્રિડિક્શન માર્કેટ્સમાં જબરદસ્ત હલચલ જોવા મળી રહી છે. રીટેલ સ્ટોક ટ્રેડર્સ આગામી મહિને ખુલનાર સત્તાવાર શેરબજારની રાહ જોઈ રહ્યા છે, પરંતુ તે પહેલા જ પોલિમર્કેટ અને કાલશી જેવા પ્લેટફોર્મ્સ પર આ કંપનીના કોન્ટ્રાક્ટ્સ માટે જોરદાર ટ્રેડિંગ શરૂ થઈ ગયું છે. નિષ્ણાતોના મતે, આઈપીઓ પહેલા માર્કેટમાં ચાલી રહેલો આ ઉત્સાહ જાણે નવો આઈફોન ખરીદવા માટે એપલ સ્ટોર બહાર લોકોની લાંબી લાઈનો લાગતી હોય તેવો જ ઘાટ સર્જી રહ્યો છે.
આ બાયનરી યસ અથવા નો પ્રકારની શરતો દ્વારા ટ્રેડર્સ શેર ખરીદ્યા વગર જ આઈપીઓની ક્લોઝિંગ પ્રાઇસ, ફંડ રેઝિંગ, કયા એક્સચેન્જ પર લિસ્ટિંગ થશે અને કઈ બેંક આ ઓફરનું નેતૃત્વ કરશે તેવા અનેક મુદ્દાઓ પર અટકળો લગાવી રહ્યા છે. આ લિસ્ટિંગથી Anthropic નું કુલ વેલ્યુએશન આશ્ચર્યજનક રીતે 1.5 ટ્રિલિયન ડોલર થી 2 ટ્રિલિયન ડોલર વચ્ચે અંકાય તેવી પૂરી સંભાવના છે. પોલિમર્કેટ પર તો આ આઈપીઓને લઈને એક ડઝનથી વધુ માર્કેટ સક્રિય થઈ ગયા છે, જ્યારે કાલશી પર કયા સેક્ટર ઇન્ડેક્સમાં આ કંપનીનો સમાવેશ થશે તેને લઈને પણ શરતો લાગી રહી છે.
વૈશ્વિક સ્તરે ચર્ચાનો વિષય બનેલા આ ઘટનાક્રમથી રીટેલ ઇન્વેસ્ટર્સમાં હાઈ-પ્રોફાઇલ આઈપીઓ અંગેની ધારણાઓ સાવ બદલાઈ ગઈ છે. ભલે હજુ સત્તાવાર રીતે ટ્રેડિંગ શરૂ થવામાં સમય બાકી હોય, પરંતુ પ્રિડિક્શન માર્કેટની આ ધમાકેદાર એન્ટ્રીએ શેરબજારના રોકાણકારોનું ટેન્શન અને એસિટમેન્ટ બંને વધારી દીધા છે. આગામી દિવસોમાં આ મામલે ફંડ રેઝિંગ અને લિસ્ટિંગ વેન્યુને લઈને વધુ મોટા ખુલાસા થવાની અપેક્ષા છે.
