અમેરિકન રાજકારણમાં ફરી એકવાર ઈરાન સાથેના સંબંધોને લઈને મોટું નિવેદન સામે આવ્યું છે. બુધવારે અમેરિકન પ્રેસિડેન્ટ ડોનાલ્ડ ટ્રમ્પે ગત જૂન મહિનામાં પાકિસ્તાન એટલે કે ઇસ્લામાબાદની મધ્યસ્થીથી ઈરાન સાથે થયેલા અસ્થાયી સીઝફાયર કરારને એકદમ વાહિયાત અને સમયનો બગાડ ગણાવ્યો હતો. ટ્રમ્પના આ નિવેદનથી આંતરરાષ્ટ્રીય સ્તરે ચર્ચાઓ શરૂ થઈ ગઈ છે અને બંને દેશો વચ્ચેનો તણાવ ફરી એકવાર સપાટી પર આવી ગયો છે.
ટ્રમ્પના આ કઠોર નિવેદન બાદ ઈરાન પણ ચૂપ બેઠું નથી અને તેણે તાત્કાલિક ધોરણે અમેરિકા સામે આક્રોશ ઠાલવ્યો છે. ઈરાને બુધવારે પલટવાર કરતા જણાવ્યું હતું કે ડોનાલ્ડ ટ્રમ્પની આ ટિપ્પણીઓ વોશિંગ્ટનની કૂટનીતિવાળા વચનોની પોલાડ અને હકીકતને જગજાહેર કરી દે છે. ઈરાની પ્રશાસનનું માનવું છે કે અમેરિકા માત્ર વાતો કરે છે પરંતુ શાંતિ સ્થાપવા માટેના ગંભીર પ્રયાસોમાં તેની પ્રતિબદ્ધતા શંકાસ્પદ છે.
આ સમગ્ર વિવાદે વૈશ્વિક રાજકારણમાં નવું સમીકરણ ઊભું કર્યું છે, ખાસ કરીને જ્યારે ઇસ્લામાબાદ જેવા દેશો દ્વારા કરાયેલી મધ્યસ્થી પર સીધા જ સવાલો ઉઠ્યા છે. આગામી સમયમાં આ નિવેદનબાજી મધ્યપૂર્વની રાજનીતિ અને અમેરિકા-ઈરાન સંબંધો પર કેવી અસર કરશે તે તો સમય જ કહેશે, પરંતુ હાલ તો આ મુદ્દો ચારેય તરફ હોટ ટોપિક બન્યો છે.
