મુંબઈમાં બજાર ખૂલતાની સાથે જ કિંમતી ધાતુઓ ખરીદવા માંગતા ગ્રાહકો માટે સારા સમાચાર સામે આવ્યા છે, કેમ કે એમસીએકસ પર સોના અને ચાંદીના ભાવમાં મોટો ઘટાડો નોંધાયો છે. સોમવારે સોનું ૧,૪૩,૦૭૩ રૂપિયા પ્રતિ 10 ગ્રામ પર બંધ થયું હતું, જે મંગળવારે બજાર ખૂલતાની સાથે જ ૪૯૨ રૂપિયા ઘટીને ૧,૪૨,૫૮૧ રૂપિયા પ્રતિ 10 ગ્રામ પર પહોંચી ગયું છે. બીજી બાજુ ચાંદીના ભાવમાં પણ મોટો કડાકો બોલાયો છે અને 4 ડિસેમ્બરની એક્સપાયરી વાળી ચાંદી ૨,૨૩૮ રૂપિયા સસ્તી થઈને ૧,૯૩,૫૫૫ રૂપિયા પ્રતિ કિલોગ્રામ પર આવી ગઈ છે.
છેલ્લા કેટલાક સમયથી સોના અને ચાંદીની કિંમતોમાં ઘટાડાનો સિલસિલો સતત યથાવત રહ્યો છે, ખાસ કરીને ઓક્ટોબર મહિનામાં ગ્રાહકોને મોટો ફાયદો થયો છે. સપ્ટેમ્બર મહિનાના અંતિમરોજે ૧૦ ગ્રામ ૨૪ કેરેટ સોનાનો ભાવ ૧,૪૯,૦૩૬ રૂપિયા હતો, જે ઘટીને હવે ૧,૪૨,૫૮૧ રૂપિયા પર આવી ગયો છે, એટલે કે આખા મહિનામાં સોનું ૬,૪૫૫ રૂપિયા સસ્તું થયું છે. તેવી જ રીતે ૩૦ સપ્ટેમ્બરે ૧ કિલો ચાંદીનો ભાવ ૨,૨૩,૭૦૬ રૂપિયા હતો, જે ઓક્ટોબર મહિનામાં જ ઘટીને ૩૦,૧૫૧ રૂપિયા પ્રતિ કિલો જેટલો સસ્તો થઈ ચૂક્યો છે.
જો ચાંદીના લાઇફ ટાઇમ હાઈ રેટ સાથે સરખામણી કરવામાં આવે તો જાન્યુઆરી મહિનામાં ચાંદી ૪,૨૦,૦૪૮ રૂપિયા પ્રતિ કિલોગ્રામના રેકોર્ડ સ્તરે પહોંચી હતી, જેની સામે હવે ચાંદી ૨,૨૬,૪૯૩ રૂપિયા પ્રતિ કિલો સસ્તી મળી રહી છે. સતત ઘટી રહેલા આ ભાવના કારણે તહેવારોની સિઝનમાં કે લગ્નની ખરીદી માટે બજારમાં જઈ રહેલા સામાન્ય લોકોના ખિસ્સા પરનું ભારણ ચોક્કસપણે હળવું થયું છે અને બજારમાં સોના-ચાંદીની ખરીદી માટે સારો માહોલ બન્યો છે.
