બ્રિટનની પ્રખ્યાત નેશનલ થ્રી પીક્સ ચેલેન્જ સફળતાપૂર્વક પૂરી કર્યાના ચાર મહિના બાદ પ્રિન્સેસ ઓફ વેલ્સ કેઇટ મિડલટને પોતાના પરિવારની એક અણદેખી તસવીર સોશિયલ મીડિયા પર શેર કરી છે. કેન્સરની સારવારમાંથી બહાર આવ્યા બાદ કેઇટે ગત જૂન મહિનામાં આ મુશ્કેલ ચઢાઈ પૂરી કરી હતી. માઉન્ટેન રેસ્ક્યુ અવેરનેસ ડે ના અવસર પર 25 ઓક્ટોબરના રોજ આ તસવીર પોસ્ટ કરીને તેમણે પર્વતારોહકોની સુરક્ષા માટે કામ કરતા વોલન્ટીયર્સનો દિલથી આભાર માન્યો છે.
વાયરલ થઈ રહેલી આ તસવીરમાં 44 વર્ષીય કેઇટ અને 44 વર્ષીય પ્રિન્સ વિલિયમની સાથે તેમના 13 વર્ષીય પ્રિન્સ જ્યોર્જ, 11 વર્ષીય પ્રિસેસ શાર્લોટ અને 8 વર્ષીય પ્રિન્સ લુઇસ બહાર નજરે પડી રહ્યા છે. આ તસવીર 27 થી 28 જૂનના વીકએન્ડ દરમિયાન વેલ્સમાં સ્નોડોન પર્વતના બેઝ પર ક્લિક કરવામાં આવી હતી. આ દરમિયાન તેમની સાથે લોકલ માઉન્ટેન રેસ્ક્યુ ટીમ અને રેડ કોટ પહેરેલો એક ગોલ્ડન રેટ્રાઇવર ડોગ પણ જોવા મળ્યો હતો. કેઇટે અગાઉ જુલાઈમાં પણ આ ચેલેન્જની કેટલીક તસવીરો શેર કરી હતી, પરંતુ આ ખાસ તસવીર અત્યાર સુધી પબ્લિક કરવામાં આવી નહોતી.
જાન્યુઆરી 2025માં કેઇટે જાહેરાત કરી હતી કે તેમનું કેન્સર રિમિશનમાં છે, ત્યારબાદ તેમણે કેન્સર હોસ્પિટલ અને ચેરિટીના સપોર્ટ માટે આ ચેલેન્જ સ્વીકારી હતી. જૂનના અંતમાં તેમણે માત્ર 24 કલાકમાં સ્કોટલેન્ડની બેન નેવિસ, ઇંગ્લેન્ડની સ્કાફેલ પાઇક અને વેલ્સની સ્નોડોન એમ ત્રણ સૌથી ઊંચા પર્વતો સર કર્યા હતા. પ્રિન્સ વિલિયમ વર્ષ 2007થી માઉન્ટેન રેસ્ક્યુ સંસ્થાના પેટ્રોન છે, અને આ અવેરનેસ ડે લોકોને ટૂંકી થતી દિવસીય લંબાઈ વચ્ચે પર્વતોમાં સાવચેત રહેવાની યાદ અપાવવા માટે ઉજવવામાં આવે છે.
