નવી દિલ્હીમાં યોજાયેલા સ્વાવલંબન 2026 કાર્યક્રમમાં દેશના સંરક્ષણ મંત્રી રાજનાથ સિંહે ડિફેન્સ મેન્યુફેક્ચરિંગને લઈને એક સ્પષ્ટ અને મહત્વપૂર્ણ નિવેદન આપ્યું છે. તેમણે દેશી સ્તરે થતા સંરક્ષણ ઉત્પાદનો એવા હોવા જોઈએ જે ખર્ચની દ્રષ્ટિએ સસ્તા હોય, ઓપરેશનલ કામગીરીમાં શ્રેષ્ઠ હોય અને વૈશ્વિક બજારમાં અન્ય દેશો સાથે હરીફાઈ કરી શકે. આજના બદલાતા વૈશ્વિક સમીકરણો વચ્ચે દેશે હવે સંરક્ષણ ક્ષેત્રે પરાવલંબી રહેવાને બદલે સંપૂર્ણપણે આત્મનિભર બનવું પડશે તેવી વાત તેમણે ભારપૂર્વક કહી હતી.
આ કાર્યક્રમમાં બોલતી વખતે તેમણે ખાસ કરીને સપ્લાય ચેઈનની નબળાઈઓ અને પડકારોને ઓળખવા પર ધ્યાન દોર્યું હતું. અત્યારે કયા ક્ષેત્રોમાં આપણે વિદેશી આયાત પર વધુ પડતા નિર્ભર છીએ તેનું સાચું આકલન કરવું અનિવાર્ય બની ગયું છે. વિદેશી નિર્ભરતા ઘટાડીને તેના સ્થાનિક વિકલ્પો ઊભા કરવા માટે આપણા વૈજ્ઞાનિકો, ઇજનેરો અને ઉદ્યોગસાહસિકોએ એક થઈને કામ કરવાનો સમય આવી ગયો છે. દેશમાં જ આધુનિક ટેકનોલોજી અને સાધનો વિકસાવવાથી માત્ર સેનાની તાકાત જ નહીં વધે, પરંતુ દેશની અર્થવ્યવસ્થાને પણ મોટો વેગ મળશે.
આગામી સમયમાં આ નીતિગત ફેરફારોથી ભારત માત્ર પોતાની સુરક્ષા જરૂરિયાતો જાતે જ પૂરી કરશે નહીં, પરંતુ દુનિયાના અન્ય મિત્ર દેશોને પણ સસ્તા અને ઉત્તમ સંરક્ષણ સાધનો પૂરા પાડી શકશે. સંરક્ષણ ક્ષેત્રે આત્મનિભરતા હાંસલ કરવાથી રોજગારીની નવી તકો પણ સર્જાશે અને દેશ મેક ઇન ઇન્ડિયાના લક્ષ્ય તરફ વધુ મજબૂતીથી આગળ વધી શકશે. સરકાર અને ખાનગી સેક્ટરે સાથે મળીને આ દિશામાં નક્કર પગલાં ભરવા પડશે જેથી ભારત વૈશ્વિક ડિફેન્સ હબ તરીકે ઉભરી શકે.
