લોસ એન્જલસના પોશ વિસ્તાર ગણાતા હોલીવુડ હિલ્સમાં પ્રખ્યાત એક્ટર રોબર્ટ પેટીન્સસ અને તેમની પાર્ટનર સુકી વોટરહાઉસે એક નવું આલીશાન ઘર ખરીદ્યું છે. આ પ્રોપર્ટી માટે તેમણે 5.3 મિલિયન ડોલર એટલે કે લગભગ મોટો ખર્ચ કર્યો છે. આ ઐતિહાસિક ઘર અગાઉ જાણીતા મ્યુઝિશિયન બેક અને એક્ટ્રેસ મરિસા રિબિસીના નામે હતું. વર્ષ 2021માં બંનેના છૂટાછેડા થયા બાદ આ પ્રોપર્ટી મરિસા પાસે રહી હતી અને હવે તેણે આ સ્ટાર કપલને વેચી દીધી છે. સેલિબ્રિટી ઓનરશિપ અને સુંદર આર્કિટેક્ચરના કારણે આ ડીલ રિયલ એસ્ટેટ માર્કેટમાં ચર્ચાનો વિષય બની છે.
આ પ્રોપર્ટીનું નિર્માણ વર્ષ 1939માં થયું હતું અને તે ક્લાસિક સ્પેનિશ કોલોનિયલ રિવાઈવલ સ્ટાઇલ ધરાવે છે. અંદાજે 2725 સ્ક્વેર ફીટમાં ફેલાયેલા આ ઘરમાં 3 બેડરૂમ અને 3.5 બાથરૂમ આવેલા છે. આ ઘરની ખાસિયત એ છે કે તે જાડી હેજીસ અને ગેટથી ઘાયેલું છે જેથી સેલિબ્રિટીઝને પ્રાઈવસી મળી રહે. આ ઘરનું અગાઉ પ્રખ્યાત ડિઝાઇનર જેફ લુઈસ દ્વારા શાનદાર રિનોવેશન કરવામાં આવ્યું હતું, જેની ઝલક ટીવી શો 'ફ્લિપિંગ આઉટ'માં પણ જોવા મળી હતી. બેક અને મરિસાએ વર્ષ 2018માં આ ઘર 3.1 મિલિયન ડોલરમાં ખરીદ્યું હતું, અને હવે 5 વર્ષ બાદ તે 5.3 મિલિયન ડોલરમાં વેચાયું છે. અગાઉ આ ઘરના માલિક 'ગોસિપ ગર્લ'ના ક્રિએટર સ્ટેફની સેવેજ પણ રહી ચૂક્યા છે.
ઘરની અંદરના ભાગમાં ડાર્ક હાર્ડવુડ ફ્લોરિંગ, વૉલ્ટેડ સીલિંગ અને એક સુંદર બ્રિક ફાયરપ્લેસ આપવામાં આવી છે જે તેના પરંપરાગત લુકને વધારે નિખારે છે. આ સિવાય મોર્ડન કિચનમાં માર્બલ કાઉન્ટરટોપ્સ અને હાઇ-એન્ડ એપ્લાયન્સિસનો ઉપયોગ થયો છે. ઘરની બહારના ભાગમાં સુંદર ગાર્ડન, પ્લંજ પુલ, સ્પા અને કવર્ડ ફાયરપ્લેસ એરિયા છે જે આરામ માટે શ્રેષ્ઠ છે. 'ટ્વાઇલાઈટ' અને 'ધ બેટમેન' જેવી ફિલ્મોથી જાણીતા રોબર્ટ પેટીન્સસ અને બ્રિટિશ મોડેલ-સિંગર સુકી વોટરહાઉસ માટે આ ઘર માત્ર એક રોકાણ નથી, પરંતુ હોલીવુડના ઇતિહાસ અને મોર્ડન લક્ઝરીનો બેજોડ સંગમ છે.
