લાસ વેગાસથી ન્યુ જર્સીના નેવાર્ક જઈ રહેલી યુનાઈટેડ એરલાઈન્સની ફ્લાઈટમાં શનિવારે રાત્રે એક ગંભીર સુરક્ષા ઘટના બની હતી. ઉડાન ભયૂાના થોડા જ સમય બાદ એક મુસાફરે વિમાનને હાઈજેક કરવાની ધમકી આપતો મેસેજ મોકલતા ખળભળાટ મચી ગયો હતો. આ જોખમી ધમકીના કારણે પાયલટે તાત્કાલિક નિર્ણય લઈને વિમાનને સુરક્ષિત રીતે લાસ વેગાસ એરપોર્ટ પર પરત ફેરવવું પડ્યું હતું. ફ્લાઇટમાં કુલ 150 પેસેન્જર્સ સવાર હતા અને આ ઘટના બાદ એરપોર્ટ પર અફરાતફરીનો માહોલ જોવા મળ્યો હતો.
ક્રિમિનલcomplaint મુજબ 25 વર્ષીય યુવકે હવામાં મુસાફરી દરમિયાન પ્લેન હાઈજેક કરવા અને ક્રેશ કરવાની ધમકી આપતો સંદેશ લખ્યો હતો. ઘટનાની ગંભીરતા જોતા લાસ વેગાસ પોલીસે ટેરરિસ્ટિક થ્રેટ્સનો રિપોર્ટ મળતા જ તાત્કાલિક કાર્યવાહી કરીને આરોપી યુવકની અટકાયત કરી હતી. આ મામલે તેની સામે આતંકવાદ સંબંધિત ધમકી આપવા અથવા ખોટી માહિતી પૂરી પાડવાનો ચાર્જ મૂકવામાં આવ્યો છે, જેમાં દોષી સાબિત થવા પર 1 થી 20 વર્ષ સુધીની જેલની સજા થઈ શકે છે. પ્લેન ટેકઓફ થયાના 1 કલાકની અંદર જ એરપોર્ટ પર પાછું આવી ગયું હતું અને એરલાઇન્સે સુરક્ષા ચિંતાને કારણે આ પગલું લીધાની પુષ્ટિ કરી હતી.
આ બનાવ બાદ ફ્લાઈટને ઓવરનાઈટ ડિલે કરીને રવિવારે સવારે નેવાર્ક માટે રવાના કરવામાં આવી હતી. આરોપી વતી કોઈ વકીલે હાલ પ્રતિક્રિયા આપી નથી, જ્યારે મંગળવારે તેની કોર્ટમાં પહેલી હાજરી સુનિશ્ચિત કરવામાં આવી છે. ફેડરલ એવિએશન એડમિનિસ્ટ્રેશને આ સમગ્ર ઘટનાની તપાસ શરૂ કરી દીધી છે અને તાજા આંકડા મુજબ વર્ષ 2026 માં અત્યાર સુધીમાં આવા 1400 થી વધુ unruly passenger ના કિસ્સાઓ સામે આવી ચૂક્યા છે, જે ઉડ્ડયન સુરક્ષા પર મોટો સવાલ ઊભો કરે છે.
