JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
જામનગર

જામનગરમાં એસીબીનું મોટું ઓપરેશન, અમદાવાદનો આસિસ્ટન્ટ ઓડિટ ઓફિસર ૮ લાખની લાંચ લેતા ઝડપાયો

જામનગરમાં એસીબીનું મોટું ઓપરેશન, અમદાવાદનો આસિસ્ટન્ટ ઓડિટ ઓફિસર ૮ લાખની લાંચ લેતા ઝડપાયો
સરકારી કચેરીઓમાં ચાલતા ભ્રષ્ટાચારના ખેલનો પર્દાફાશ કરતા જામનગર એસીબીએ અમદાવાદના આસિસ્ટન્ટ ઓડિટ ઓફિસરને રૂ. 8 લાખની માતબર રકમ સાથે રંગેહાથ ઝડપી લીધો છે.

રાજ્યની સરકારી કચેરીઓમાં વ્યાપેલો ભ્રષ્ટાચાર અને લાલિયાવાડી અવારનવાર સપાટી પર આવતી રહે છે, પરંતુ તાજેતરની આ ઘટનાએ અધિકારી આલમમાં ભારે ખળભળાટ મચાવી દીધો છે. અમદાવાદના નવરંગપુરા સ્થિત ઓડિટ ભવનમાં આસિસ્ટન્ટ ઓડિટ ઓફિસર તરીકે ફરજ બજાવતા વિનસકુમાર અમરચંદ સાવરિયાએ કાયદેસરની પ્રક્રિયા આડચેડાં ઊભા કરીને લાંચ મેળવવાનો શરમજનક કારસો રચ્યો હતો. ફરિયાદીની કંપનીના મેનેજિંગ ડિરેક્ટર દ્વારા વર્ષ ૨૦૨૪-૨૫ દરમિયાન ભરવામાં આવેલા ઇન્કમટેક્સ રિટર્નને લગતી ક્વેરી અગાઉ જ ઉકેલાઈ ગઈ હોવા છતાં, આ અધિકારીએ તે બંધ થયેલું એસેસમેન્ટ ઓડિટ ફરીથી નહીં ખોલવાના બદલામાં અધધ કહી શકાય તેટલા રૂપિયા ૮ લાખની લાંચ માંગી હતી.

આ લાંચના કાળા કારોબારથી કંટાળીને જાગૃત નાગરિક અને ફરિયાદીએ ભ્રષ્ટાચાર સામે અવાજ ઉઠાવવાનું નક્કી કર્યું અને તુરંત જ જામનગર એસીબી (Anti Corruption Bureau) ની ટીમનો સંપર્ક સાધ્યો હતો. ફરિયાદીની સચોટ માહિતીના આધારે એસીબીના ઉચ્ચ અધિકારીઓના માર્ગદર્શન હેઠળ એક સુવ્યવસ્થિત છટકું ગોઠવવામાં આવ્યું હતું. જામનગર-રાજકોટ હાઈવે પર આવેલા જાણીતા ત્રિમંદિરની નજીક ઇન્કમટેક્સ ઓફિસ પાસે જ આ લાંચની રકમની લેવડદેવડ નક્કી કરવામાં આવી હતી. આરોપી વિનસકુમાર પોતાની કારમાં લાંચની રકમ સ્વીકારી રહ્યો હતો, તે જ સમયે એસીબીની સજાગ ટીમે ત્વરિત કાર્યવાહી કરીને તેને રંગેહાથ દબોચી લીધો હતો.

એસીબીની આ સફળ રેડ દરમિયાન આરોપી પાસેથી લાંચ પેટે સ્વીકારવામાં આવેલા પૂરા આઠ લાખ રૂપિયા રોકડા સફળતાપૂર્વક રિકવર કરી લેવામાં આવ્યા છે. આ પ્રકરણ બહાર આવતા જ સરકારી વિભાગોમાં વ્યાપેલા ભ્રષ્ટાચાર સામે લાલબત્તી ધરી દેવાઈ છે અને ભ્રષ્ટ અધિકારીઓમાં ફફડાટ ફેલાઈ ગયો છે. એસીબી દ્વારા પકડાયેલા આસિસ્ટન્ટ ઓડિટ ઓફિસર વિનસકુમાર અમરચંદ સાવરિયા વિરુદ્ધ પ્રિવેન્શન ઓફ કરપ્શન એક્ટ હેઠળ કાયદેસરની સઘન કાર્યવાહી હાથ ધરવામાં આવી છે, જેથી ભવિષ્યમાં કોઈ અધિકારી આવું જોખમ ખેડતા ડરે.

જામનગર વિભાગના વધુ સમાચાર

LATEST ARTICLES