અમેરિકાના ન્યાય વિભાગ (DOJ) દ્વારા કેલિફોર્નિયાના ચૂંટણી અધિકારીઓને સત્તાવાર રીતે ગ્રાન્ડ જ્યુરી સમન્સ ફટકારવામાં આવ્યા છે. આ કદમ એક ફેડરલ જજ દ્વારા બેલેટ પેપરને અલગ રાખવાની DOJની અરજીને ફગાવી દીધા બાદ લેવામાં આવ્યું છે. આ સમન્સ ખાસ કરીને લોસ એન્જલસ કાઉન્ટી રજિસ્ટ્રાર-રેકોર્ડરની ઓફિસ સાથે જોડાયેલા અધિકારીઓ સહિત કેલિફોર્નિયાના ચૂંટણીકર્મીઓને નિશાન બનાવી રહ્યા છે, જેના કારણે રાજકીય અને ચૂંટણી વર્તુળોમાં ભારે ચર્ચા જાગી છે.
ફેડરલ તપાસકર્તાઓ હાલમાં ચૂંટણી સત્તાવાળાઓ મતદારોની નાગરિકતાની ચકાસણી કેવી રીતે કરે છે અને મતદાન મથકો પર ગેરકાયેદસર મતોની ગણતરી થતી અટકાવવા માટે કયા સુરક્ષા ધોરણો અપનાવવામાં આવે છે તેની ઊંડાણપૂર્વક તપાસ કરી રહ્યા છે. આ તપાસના ભાગરૂપે આંતરિક રેકોર્ડ્સ, સત્તાવાર પત્રવ્યવહાર અને ડિજિટલ માહિતીની માંગ કરવામાં આવી છે જેથી ચૂંટણી પ્રક્રિયામાં કોઈ પણ પ્રકારની ગેરરીતિ અટકાવી શકાય.
આ ઘટનાક્રમ દર્શાવે છે કે અમેરિકામાં ચૂંટણીની પવિત્રતા અને નાગરિકતાના અધિકારોને લઈને સરકાર કેટલી ગંભીર છે. ન્યાય વિભાગની આ કડક કાર્યવાહી આગામી સમયમાં ચૂંટણી સંચાલન અને દેખરેખ પ્રણાલીમાં મોટા ફેરફારો લાવવા માટે મજબૂર કરી શકે છે, તેમજ ગેરકાયેદસર મતદાન કરનારાઓ સામે કાયદાકીય શિસ્ત વધુ મજબૂત બનશે તેવા સંકેતો મળી રહ્યા છે.
