અમેરિકાના કેલિફોર્નિયામાં પ્રોપર્ટી માલિકીને લઈને અનોખો કાનૂની વિવાદ સામે આવ્યો છે, જ્યાં એક નાના ગાર્ડનને લઈને બે પાડોશીઓ સામસામે આવી ગયા હતા. રૂપર્ટ ક્લેટન અને મિરીયમ પિન્ચુક નામના કપલે વર્ષ 2019માં ઓકલેન્ડમાં એક ઘર ખરીદ્યું હતું, જેમાં 20 બાય 20 ફૂટનું એક સુંદર ગાર્ડન પણ સામેલ હતું. પરંતુ બાદમાં ખબર પડી કે કાગળ પર આ જમીન પાડોશીની છે, જેના કારણે લાંબી કાનૂની લડાઈ શરૂ થઈ હતી. સોમવારે કેલિફોર્નિયાની એક અપીલ કોર્ટે મોટો ચૂકાદો આપતા આ કપલના ગાર્ડન વાપરવાના વિશિષ્ટ અધિકારને માન્ય રાખ્યો છે અને તેમનો દાવોસબૂત સાચો ઠેરવ્યો છે.
આ અનોખા વિવાદની જડ વર્ષ 1955ના સમયમાં છુપાયેલી છે, જ્યારે બંને પ્રોપર્ટી અલગ-અલગ પરિવારો પાસે હતી. તે સમયે રીમ અને ક્રোগર પરિવાર વચ્ચે ગેરેજ બનાવવા બાબતે સમજૂતી થઈ હતી, જેમાં ક્રোগર પરિવારને ગેરેજ બનાવવા દેવા બદલ રીમ પરિવારે એલીવે એક્સેસના અધિકારો જતાં કર્યા હતા અને બદલામાં ક્રোগર પરિવારે તેમને જમીનનો આ નાનો ટુકડો આપ્યો હતો. આ ડીલમાં 250 ડૉલર રોકડા અને બાળકોને સાચવવા માટે બેબીસીટિંગની સેવા પણ સામેલ હતી. જોકે, તે સમયે પ્રોપર્ટીના કાગળો પૂરા કરવામાં આવ્યા નહોતા. વર્ષ 2017માં હર્બેટ કેનેડા અને બર્નાડેટે આ પ્રોપર્ટી ખરીદી અને વર્ષ 2020માં સીમાડાની ફેન્સિંગ બાબતે વિવાદ ઊભો થયો, જે ડિસેમ્બર 2021માં પોલીસ કેસ અને કોર્ટ સુધી પહોંચ્યો હતો.
કોર્ટમાં સુનાવણી દરમિયાન જૂના દસ્તાવેજો અને પરિવારના સભ્યોની જુબાની તપાસવામાં આવી હતી કે દાયકાઓથી આ ગાર્ડન રીમ પરિવારના કબજામાં હતું અને ત્યાં દિવાલ તેમજ ફેન્સ પણ બનેલી હતી. અગાઉની ટ્રાયલ કોર્ટે પણ સ્વીકાર્યું હતું કે જોકે જમીનની કાનૂની માલિકી કાગળ પર બદલાઈ નહોતી, પરંતુ ન્યાયિક દ્રષ્ટિએ નવા ઘરમાલિકોને આ જમીન વાપરવાનો હક મળવો જોઈએ. પાડોશીઓએ આ ચૂકાદાને અપીલ કોર્ટમાં પડકાર્યો હતો, પરંતુ કોર્ટે નોંધ્યું કે પાડોશીઓને આ જમીનથી કોઈ ખાસ નુકસાન નથી અને 1955ના કરારનો લાભ અગાઉના માલિકોએ પહેલેથી જ મેળવી લીધો છે. આથી, કોર્ટે કપલના પક્ષમાં ચૂકાદો આપીને રાહતનો શ્વાસ અપાવ્યો છે.
