મુંબઈમાં મંગળવારે યોજાયેલા એક મીડિયા ઇવેન્ટ દરમિયાન પીએમના પ્રિન્સિપલ સેક્રેટરી અને સેન્ટ્રલ બેંકના પૂર્વ ગવર્નર શક્તિકાંત દાસે ભારતીય અર્થતંત્રને લઈને ઉત્સાહજનક વાતો કહી છે. તેમણે સ્પષ્ટ કર્યું કે મેક્રોઇકોનોમિક સ્ટેબિલિટી, ચાલુ રહેલા સ્ટ્રક્ચરલ રિફોર્મ્સ અને આયાત પર નિર્ભરતા ઘટાડતી સ્ટ્રેટેજિક પોલિસી જેવા ટ્રિપલ ઇંજના સહારે દેશનો ગ્રોથ મજબૂત બની રહ્યો છે. આજે રોપાયેલા બીજ ભવિષ્યના લાંબા ગાળાના આર્થિક વિકાસનો આધાર બનશે, અને વૈશ્વિક સ્તરે અશાંતિ હોવા છતાં ભારત વિકસિત ભારત બનવાની દિશામાં મક્કમ પગલે આગળ વધી રહ્યું છે.
આગળ વાત કરતા તેમણે દેશના ફાઇનાન્સિયલ સેક્ટર એટલે કે BFSI સેક્ટરની ભૂમિકા પર ભાર મૂકતા જણાવ્યું કે લોઅર-મિડલ ઇન્કમ ઇકોનોમીથી હાઇ-ઇન્કમ ઇકોનોમી સુધીની સફરમાં આ સેક્ટરે મહત્ત્વની ભૂમિકા ભજવવાની છે. આ સેક્ટરે નેક્સ્ટ જનરેશન ડિજિટલ પબ્લિક ઇન્ફ્રાસ્ટ્રક્ચર (DPI) ને સપોર્ટ આપવો પડશે, ગ્રીન ફાઇનાન્સમાં આગળ રહેવું પડશે અને ફાયનાન્શિયલ ઇન્ક્લુઝનને વેગ આપવો પડશે. આ ઉપરાંત એમએસએમઈ અને એગ્રીકલ્ચર સેક્ટરને મજબૂત બનાવવા માટે જીએસટી રેકોર્ડ્સ જેવા ડિજિટલ પ્લેટફોર્મ અને આરબીઆઈના યુનિફાઇડ લેન્ડિંગ ઇન્ટરફેસ (ULI) નો ઉપયોગ કરીને તાત્કાલિક લોન અને ક્રેડિટ પૂરી પાડવી ખૂબ જ જરૂરી છે.
સમાપનમાં તેમણે જણાવ્યું કે ભારતના લોકોને તેમની બચત સોના કે રિયલ એસ્ટેટ જેવા ફિઝિકલ એસેટ્સમાંથી હટાવીને મ્યુચ્યુઅલ ફંડ અને પ્રોડક્ટિવ ફાઇનાન્સિયલ એસેટ્સ તરફ વાળવાની જરૂર છે. આ સાથે જ યુપીઆઈનું વૈશ્વિકરણ, ક્રોસ-બોર્ડર પેમેન્ટ્સ અને સીબીડીસીનો વ્યાપ વધારવા પર પણ ભાર મૂકવામાં આવ્યો છે. વૈશ્વિક પડકારો વચ્ચે દેશની આર્થિક સફરની સફળતા એક મજબૂત અને પ્રોફિટેબલ BFSI સેક્ટર પર આધારિત રહેશે.
