અમેરિકાની રાજનીતિમાં ગરમાવો આવી ગયો છે કારણ કે પ્રમુખ ડોનાલ્ડ ટ્રમ્પે વર્ષ 2026ની મિડટર્મ ઈલેક્શનને ધ્યાનમાં રાખીને ટેક્સાસમાં પ્રચાર અભિયાન શરૂ કરી દીધું છે. ટેક્સાસમાં યોજાયેલી આ વિશાળ રેલીનો મુખ્ય હેતુ રિપબ્લિકન પાર્ટીના સેનેટ કેન્ડિડેટ કેન પેક્સટનને મજબૂત ટેકો આપવાનો હતો. આ રેલી દરમિયાન ટ્રમ્પે પોતાના અંદાજમાં ડેમોક્રેટ પક્ષના હરીફ ઉમેદવાર જેમ્સ ટાલારિકો પર તીખો કટાક્ષ કર્યો હતો, જેને સાંભળીને ઉપસ્થિત મેદની પણ હસી પડી હતી. ટ્રમ્પના આ અંદાજે ફરી એકવાર રાજકીય માહોલ ગમાવી દીધો છે.
આ ચૂંટણી જંગ માત્ર એક સીટ પૂરતો મર્યાદિત નથી પરંતુ સમગ્ર કોંગ્રેસ પર નિયંત્રણ મેળવવા માટેની રાષ્ટ્રીય સ્તરની લડાઈ બની ગઈ છે. ટેક્સાસની આ સેનેટ રેસ પર હાલ સમગ્ર દેશની નજર ટકેલી છે, કારણ કે આ ચૂંટણીના પરિણામો આવનારી રાજકીય દિશા નક્કી કરશે. ટ્રમ્પે રિપબ્લિકન વોટર્સને એક થઈને ભારે મતથી વિજય અપાવવા માટે અપીલ કરી હતી અને પોતાના ભાષણ દ્વારા મિડટર્મ ઈલેક્શનના મહત્વને સમજાવ્યું હતું.
ટેક્સાસની આ રેલી અને ટ્રમ્પના આક્રમક પ્રચારથી રિપબ્લિકન કેમ્પમાં ભારે ઉત્સાહ જોવા મળી રહ્યો છે. આગામી સમયમાં કોંગ્રેસ પર પકડ જમાવવા માટે બંને પક્ષો દ્વારા વધુ રેલીઓ અને કેમ્પેઈન ચલાવવામાં આવશે. ટ્રમ્પના આ અંદાજ અને ડેમોક્રેટ્સ સામેના પ્રહારોથી અમેરિકન પોલિટિક્સમાં અત્યારથી જ ભારે હલચલ મચી ગઈ છે અને આ મુકાબલો વધુ રસપ્રદ બની ગયો છે.
