અમેરિકાના ઓહાયો રાજ્યમાં આગામી મિડટર્મ ઇલેક્શન પહેલા એક ખૂબ જ રસપ્રદ અને મહત્વની પહેલ શરૂ કરવામાં આવી છે. રાજ્યના સેક્રેટરી ઓફ સ્ટેટ ફ્રેન્ક લા
આ અનોખી ઝુંબેશ હેઠળ જો કોઇ પણ મતદારને AI પ્લેટફોર્મ પાસેથી ખોટી માહિતી મળે, તો તેમણે પ્રોમ્પ્ટ, સંપૂર્ણ જવાબ અને જે પ્લેટફોર્મનો ઉપયોગ કર્યો હોય તેની વિગતો સાથેના સ્ક્રીનશૉટ્સ મોકલવાના રહેશે. આ રિપોર્ટ્સ @VerifyOhio ના સોશિયલ મીડિયા હેન્ડલ્સ એટલે કે X, ફેસબુક, ઇન્સ્ટાગ્રામ પર ડાયરેક્ટ મેસેજ કરીને અથવા helpmeout@ohiosos.gov ઈમેલ આઈડી પર મોકલી શકાશે. રાજ્યની સાયબર સિક્યુરિટી અને ટેક્નોલોજી ટીમ આ તમામ ડેટાના આધારે AI કંપનીઓ સાથે મળીને કામ કરશે અને વેબસાઇટ પરની માહિતી વધુ સચોટ બનાવશે. અગાઉ રાજ્યની તમામ 88 કાઉન્ટી બોર્ડ ઓફ ઇલેક્શન્સની મદદ માટે EVA એટલે કે ઇલેક્શન વર્ચ્યુઅલ આસિસ્ટન્ટ નામનું ટૂલ પણ વિકસાવવામાં આવ્યું છે.
તંત્ર દ્વારા મતદારોને ખાસ સલાહ આપવામાં આવી છે કે મતદાનના કલાકો, સેન્ટર્સ કે ડેડલાઇન જેવી બાબતો હંમેશા VoteOhio.gov અથવા અધિકૃત સરકારી સ્ત્રોતો પરથી જ કન્ફર્મ કરવી. AI ભલે ગમે તેટલા આત્મવિશ્વાસ સાથે જવાબ આપે, પરંતુ તે ખોટું કે આઉટડેટેડ પણ હોઈ શકે છે. સરકાર ટેક્નોલોજી અને ઇનોવેશનને આવકારે છે, પરંતુ ચૂંટણીના મામલામાં સત્તાવાર સ્ત્રોતો જ સૌથી ભરોસાપાત્ર સાબિત થાય છે તેવું અધિકારીઓએ સ્પષ્ટપણે જણાવ્યું છે.
