JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
ગુજરાત

ઉત્તરાયણ પૂર્વે રાજકોટમાં પતંગ અને દોરીની ખરીદી સાથે થનગનાટ પૂરબહારમાં

ઉત્તરાયણ પૂર્વે રાજકોટમાં પતંગ અને દોરીની ખરીદી સાથે થનગનાટ પૂરબહારમાં
મકરસંક્રાંતિના તહેવારને આડે ગણતરીના દિવસો બાકી રહ્યા છે ત્યારે રાજકોટમાં પતંગરસિકો દ્વારા આકાશી જંગ ખેડવા માટેની તૈયારીઓ જોરશોરથી શરૂ કરી દેવામાં આવી છે. બજારોમાં વિવિધ રંગબેરંગી પતંગો અને ધારદાર દોરા-ફિરકીઓથી દુકાનો સસજી ઉઠી છે.

ગુજરાતનો સૌથી લોકપ્રિય અને ઉમંગભર્યો તહેવાર એટલે મકરસંક્રાંતિ, અને આ પર્વને હવે માત્ર થોડા જ દિવસો બાકી હોવાથી રાજકોટવાસીઓમાં ભારે ઉત્સાહ જોવા મળી રહ્યો છે. શહેરના પતંગ અને દોરીના વેપારીઓ તથા સ્થાનિક કારીગરો દ્વારા અત્યારથી જ દોરીને વધુ મજબૂત અને ધારદાર બનાવવાની કામગીરીને આખરી ઓપ અપાઈ રહ્યો છે. કારીગરો દ્વારા વિવિધ આકર્ષક રંગો અને ડિઝાઈનવાળા પતંગો તૈયાર કરવાની સાથે સાથે ફિરકીઓમાં દોરી વીંટવાનું અને તેને તડકે સૂકવવાનું મહત્વનું કામ પૂરઝડપે ચાલી રહ્યું છે, જેથી પતંગબાજોને ઉત્તરાયણના દિવસે શ્રેષ્ઠ ગુણવત્તાવાળી સામગ્રી મળી રહે.

રાજકોટની જાણીતી બજારો જેવી કે સદર બજાર અને પરાબજાર સહિતના મુખ્ય વેપારી કેન્દ્રો પર અત્યારથી જ ખરીદી માટે ગ્રાહકોની ભારે ભીડ જામવા લાગી છે. પતંગ શોખીનો પોતાના પરિવાર અને મિત્રો સાથે ઉત્સવની આગોતરી ખરીદીમાં વ્યસ્ત બન્યા છે. નાના બાળકોથી માંડીને મોટેરાઓ સુધી સૌ કોઈમાં પતંગ ચગાવવાના જસ્સો જોવા મળી રહ્યો છે. વહેલી સવારથી જ ધાબા પર જમાવડો જમાવીને આકાશી યુદ્ધ ખેલવાની અને સાથે-સાથે શિયાળાની પરંપરાગત ખાણીપીણી જેવી કે તલની ચીકી, શેરડી અને જીંજરાની મિજબાની માણવાની ઉત્સુકતા લોકોની આંખમાં સ્પષ્ટ વર્તાઈ રહી છે.

આગામી દિવસોમાં આ ઉત્સાહ વધુ પરાકાષ્ઠાએ પહોંચશે તેવી વેપારીઓને પણ આશા છે, કારણ કે કોરોના કે અન્ય કોઈપણ અવરોધ વગર આ વર્ષે તહેવાર સંપૂર્ણ ઉત્સાહથી ઉજવાઈ રહ્યો છે. વેપારી વર્ગમાં પણ આ સિઝન દરમિયાન સારો વેપાર થવાની ઉમ્મીદ બંધાઈ છે. પતંગ અને ફિરકીઓના ધંધાર્થીઓથી લઈને ખાણીપીણીના વેપારીઓ સુધી બધા જ આ તહેવારને લઈને આર્થિક રીતે પણ ઉત્સાહિત છે. ટૂંક સમયમાં જ રાજકોટનું આકાશ અસંખ્ય રંગબેરંગી પતંગોથી છવાઈ જશે અને સમગ્ર શહેરમાં ઉત્તરાયણનો માહોલ સોળે કળાએ ખીલી ઉઠશે.

ગુજરાત વિભાગના વધુ સમાચાર

LATEST ARTICLES