વેટિકન મ્યુઝિયમમાં હાલમાં એ સેન્ચુરી ઓફ ધ પોપમોબાઈલ નામનું એક નવું એક્ઝિબિશન લોકો માટે ખુલ્લું મૂકવામાં આવ્યું છે. આ પ્રદર્શનમાં જર્મન ઓટોમેકર મર્સિડીઝ-બೆಂઝની ૮ ઐતિહાસિક ગાડીઓ સામેલ છે, જેણે વર્ષોથી પોપની સેવા કરી છે. આ એક્ઝિબિશનમાં ૧૯૩૦થી વેટિકન અને આ કાર કંપની વચ્ચેના ખાસ સંબંધોની સાથે ગાડીઓમાં આવેલા બદલાવને ખૂબ જ સુંદર રીતે દર્શાવવામાં આવ્યો છે. શરૂઆતના સમયમાં પોપ માટેની ગાડીઓ માત્ર મુસાફરીનું સાધન નહીં પરંતુ સાદગીથી વિપરીત રોયલ લુક ધરાવતી હતી, જેમાં આરામ અને સુરક્ષાને સૌથી વધુ પ્રાથમિકતા આપવામાં આવતી હતી.
આ સફરની શરૂઆત 23 મે 1930ના રોજ થઈ હતી, જ્યારે પોપ પિયસ અગિયારમાને ખાસ કસ્ટમાઈઝ્ડ મર્સિડીઝ-બೆಂઝ Nürburg 460 ભેટમાં આપવામાં આવી હતી. આ ગાડીમાં સિલ્ક બ્રોકેડમાંથી બનેલી આરામદાયક આર્મચેર, લાકડાનું શાનદાર કામ અને આકર્ષક મેટલ ફિનિશિંગ કરવામાં આવ્યું હતું. સમય જતાં જેમ-જેમ જરૂરિયાતો બદલાતી ગઈ તેમ કારની ડિઝાઇનમાં પણ મોટા ફેરફારો થવા લાગ્યા. ૧૯૬૦માં પોપ જ્હોન XXIII માટે મર્સિડીઝ-બೆಂઝ 300 d Landaulet લાવવામાં આવી, જેની પાછળની સાઇડની વિન્ડો હટાવી શકાય તેવી હતી જેથી પોપ રસ્તા પર ભીડ સાથે સરળતાથી વાતચીત કરી શકે. ત્યારબાદ ૧૯٨0માં પોપ જ્હોન પોલ બીજા માટે 230 G મોડેલ બનાવવામાં આવ્યું, જેમાં પાછળના ભાગે પારદર્શક ડોમ એટલે કે ગુંબજ બનાવવામાં આવ્યો હતો જેથી લોકો દૂરથી પણ પોપના દર્શન કરી શકે અને સુરક્ષા પણ જળવાઈ રહે.
ટેકનોલોજી અને સમયના બદલાવ સાથે આ સફર હવે ઇલેક્ટ્રિક યુગ સુધી પહોંચી ગઈ છે. પોપ ફ્રાન્સિસને એક ઓલ-ઇલેક્ટ્રિક મર્સિડીઝ-બೆಂઝ પોપમોબાઈલ સોંપવામાં આવી હતી, જે પર્યાવરણ પ્રત્યેની જવાબદારી અને ગ્રીન એનર્જી તરફનું મોટું પગલું દર્શાવે છે. ૯૦ વર્ષ પહેલાં સિલ્ક અને મખમલના ઇન્ટિરિયરવાળી Nürburg 460 ગાડીથી શરૂ થયેલી આ સફર આજે ઇલેક્ટ્રિક કાર સુધી આવી પહોંચી છે. આ તમામ ગાડીઓનો મુખ્ય ઉદ્દેશ્ય માત્ર પોપને એક જગ્યાએથી બીજી જગ્યાએ લઈ જવાનો નથી, પરંતુ તેઓ જનતા સાથે સીધા જોડાઈ શકે અને પોતાના ભક્તોને આશીર્વાદ આપી શકે તે સુનિશ્ચિત કરવાનો રહ્યો છે.
