આગામી કરવા ચોથ 2026 ના તહેવારને વધુ ખાસ બનાવવા માટે હવે ટેકનોલોજીનો ઉપયોગ ધૂમ મચાવી રહ્યો છે. પતિ-પત્નીના અતૂટ પ્રેમ અને સમર્પણના આ પર્વ પર આજકાલ AI ઈમેજ જનરેટર ટૂલ્સની મદદથી સુંદર અને આકર્ષક તસ્વીરો બનાવવાનો ટ્રેન્ડ ચાલી રહ્યો છે. જો તમે પણ આ તહેવાર પર ટ્રેડિશનલ બ્રાઈડલ લુક, રોમેન્ટિક કપલ ફોટો કે ચંદ્ર દર્શનના દ્રશ્યો જેવા આકર્ષક પોર્ટ્રેટ બનાવવા માંગતા હોવ, તો આર્ટિફિશિયલ ઇન્ટેલિજન્સ તમને ઘરબેઠા જ એકદમ રિયાલિસ્ટિક ફોટો બનાવી આપી શકે છે. આ માટે માર્કેટમાં ઉપલબ્ધ ChatGPT અને Google Gemini જેવા પાવરફુલ ટૂલ્સનો ઉપયોગ કરીને મનપસંદ યાદગાર તસ્વીરો તૈયાર કરી શકાય છે.
આ સુંદર તસ્વીરો બનાવવા માટે તમારે માત્ર તમારા મોબાઈલ કે કમ્પ્યુટર પર AI ટૂલ ઓપન કરીને ખાસ પ્રોમ્પ્ટ્સનો ઉપયોગ કરવાનો રહેશે. જો તમે ટ્રેડિશનલ લુક ઇચ્છતા હોવ તો લાલ સિલ્ક સાડી, સોનાની જ્વેલરી અને પૂજા થાળી સાથેનો પ્રોમ્પ્ટ વાપરી શકો છો, જ્યારે કપલ માટે ટેરેસ પર પૂનમના ચંદ્ર નીચે ઊભેલા રોમેન્ટિક પોર્ટ્રેટનો પ્રોમ્પ્ટ બેસ્ટ સાબિત થશે. આ ઉપરાંત, રોયલ બ્રાઈડલ લુક, મિનિમલ પેસ્ટલ લુક, મહેંદી અને પૂજા થાળીનો ક્લોઝ-અપ શોટ, નવપરિણીત યુગલ માટે સ્પેશિયલ ન્યૂલીવેડ પ્રોટ્રેટ તેમજ ઇન્સ્ટાગ્રામ માટે યોગ્ય 4:5 સાઇઝના ડ્રીમી મૂનલાઇટ પોર્ટ્રેટ જેવા કુલ 8 અલગ-અલગ શાનદાર પ્રોમ્પ્ટ્સ કોપી-પેસ્ટ કરીને તમે સેકન્ડોમાં મનમોહક તસ્વીરો મેળવી શકો છો.
આ પ્રકારના AI ફોટો બનાવવા માટે સૌપ્રથમ ChatGPT અથવા Google Gemini પર જઈને તમારા એકાઉન્ટમાં સાઇન ઇન કરો. ત્યારબાદ મેસેજ બોક્સ પાસે આપેલા પ્લસ (+) આયકન પર ક્લિક કરીને તમારો એકદમ સ્પષ્ટ અને સારા અજવાળાવાળો ફોટો અપલોડ કરો, જેથી AI તમારા ચહેરાની ઓળખ બરાબર સાચવી શકે. હવે ઉપરોક્ત 8 માંથી તમારો મનપસંદ પ્રોમ્પ્ટ એન્ટર કરો અને ચહેરાના ફીચર્સ જાળવી રાખવાની સૂચના આપો. ફોટો જનરેટ થયા બાદ જો રંગ કે બેકગ્રાઉન્ડમાં કોઈ ફેરફાર કરવો હોય તો કમાન્ડ આપીને એડિટિંગ પણ કરાવી શકો છો. આ ફોટો સેવ કરીને તમે WhatsApp, Instagram કે અન્ય સોશિયલ મીડિયા પર શેર કરી શકો છો, પરંતુ ફોટો ડાઉનલોડ કરતા પહેલા ચહેરાની સ્પષ્ટતા અને હાથ-ઝવેરાતની વિગતો અવશ્ય ચકાસી લેવી.
