મહિલા ટી-20 ક્રિકેટમાં ટીમ ઈન્ડિયાની પ્લેઈંગ ઈલેવનમાં જગ્યા બનાવવાનું સપ્નું હવે અનેક પ્રતિભાશાળી ડોમેસ્ટિક પ્લેયર્સ પૂરું કરવા જઈ રહી છે અને તેમનું હાલનું પ્રદર્શન નજરઅંદાજ કરવું કોઈના માટે પણ મુશ્કેલ બની ગયું છે. મુંબઈની ખેલાડી હુમૈરા કાઝીએ તાજેતરમાં જ 26 ઓક્ટોબરના રોજ ઝારખંડ સામે માત્ર 55 બોલમાં 92 રનની તોફાની ઇનિંગ રમીને ફરી એકવાર સિલેક્ટર્સને પોતાનું નામ યાદ અપાવી દીધું છે. આ શાનદાર ઇનિંગ 2026-27ના સિનિયર મહિલા ટી-20 ટ્રોફીની શરૂઆતની સાથે જ આવી છે, જેનાથી સિલેક્ટર્સને ગયા સિઝનમાં ધમાકો કરનાર ખેલાડીઓને ફરીથી તપાસવાની તક મળી રહી છે. સ્મૃતિ મંધાનાએ આ મહિનાની શરૂઆતમાં જ ટીમ ઈન્ડિયાની વાઇટ-બોલ કેપ્ટનશીપ સંભાળી લીધી છે અને વર્લ્ડ કપની નિરાશાજનક સફર બાદ ટીમ હવે નવા જોશ સાથે આગળ વધી રહી છે.
હુમૈરા કાઝીએ અગાઉ પણ 2025-26ની ટૂર્નામેન્ટમાં 9 મેચમાં 35.55ની એવરેજ અને 131.14ના સ્ટ્રાઈક રેટથી કુલ 320 રન બનાવ્યા હતા, જોકે WPL ઓક્શનમાં તે અનસોલ્ડ રહી હતી છતાં તેણે ઈન્ડિયા A માટે રાઇઝિંગ સ્ટાર્સ એશિયા કપમાં સ્થાન મેળવ્યું હતું. આ ઉપરાંત કર્ણાટકની વૃંદા દિનેશ પણ ચર્ચામાં છે કેણે 9 મેચમાં 39.50ની એવરેજ અને 142.98ના સ્ટ્રાઈક રેટથી 316 રન ફટકાર્યા છે, જેમાં તેની અણનમ 118 રનની ઇનિંગ પણ સામેલ છે. હરિયાણાની 16 વર્ષીય ટીનેજર દિયા યાદવે ડોમેસ્ટિક ક્રિકેટમાં આઠ ઇનિંગ્સમાં લગભગ 60ની એવરેજથી 298 રન બનાવ્યા હતા અને શાનદાર પ્રદર્શનના જોરે તેને WPLમાં દિલ્હી કેપિટલ્સ તરફથી 10 લાખ રૂપિયાનો કોન્ટ્રાક્ટ મળ્યો હતો, જેથી તે 16 વર્ષ અને 103 દિવસની ઉંમરે WPLમાં ડેબ્યૂ કરનારી સૌથી યુવા ખેલાડી બની ગઈ છે. બોલિંગ વિભાગમાં પણ કર્ણાટકની સાહના પવાર ઉપરાંત હરિયાણાની શીતલ રાણાએ 5 અને દિલ્હીની અમીષા બહુખંડીએ 26 ઓક્ટોબરે અનુક્રમે 6 વિકેટ ઝડપીને મજબૂત દાવેદારી નોંધાવી છે.
ટીમ ઈન્ડિયાના હેડ કોચ અમોલ મઝુમદારે જૂનમાં વર્લ્ડ કપમાંથી એક્ઝિટ બાદ સ્વીકાર્યું હતું કે ટીમમાં યોગ્ય કોમ્બિનેશન બનાવવા માટે ગંભીરતાથી વિચારવું પડશે અને ખાસ કરીને બોલિંગ તથા ફિલ્ડિંગમાં સુધારો કરવો જરૂરી છે. પૂર્વ ચીફ સિલેક્ટર નીતુ ડેવિડનું પણ માનવું છે કે સ્ટેટ ક્રિકેટ સ્તરે જ પાવર-હિટિંગ સ્કિલ્સ વિકસાવવી પડશે કારણ કે પાયો મજબૂત વગર આક્રમક બેટર્સ તૈયાર ન થઈ શકે. આ તમામ અનકેપ્ડ ખેલાડીઓ માટે હવે પડકાર એ છે કે તેઓ પોતાના આ શાનદાર આંકડાઓને સતત પ્રદર્શનમાં બદલી નાખે. ડોમેસ્ટિક સિઝનનું આ શાનદાર ફોર્મ સીધી ટીમ ઈન્ડિયાની જર્સીની કોઈ ગેરેંટી નથી આપતું, પરંતુ સિલેક્ટર્સ ટીમમાં ડેબ્થ વધારવા માગતા હોય ત્યારે યુવા ખેલાડીઓ માટે નેશનલ ટીમ સુધી પહોંચવાનો આનાથી સારો સમય બીજો કોઈ હોઈ શકે નહીં.
