નવી દિલ્હીના ભારત મંડપમ ખાતે ઇમર્જિંગ સાયન્સ, ટેકનોલોજી એન્ડ ઇનોવેશન કોન્ક્લેવ 2026નો પ્રારંભ થયો છે. પીએમ મોદીએ જણાવ્યું કે ભારત હવે ગ્લોબલ પડકારો સામે સોલ્યુશન્સ આપવા માટે સજ્જ થઈ રહ્યું છે અને આ ત્રણ દિવસીય ઇવેન્ટમાં AIથી લઈને હેલ્થકેર જેવા વિષયો પર મંથન થશે.
વડાપ્રધાન નરેન્દ્ર મોદીએ નવી દિલ્હીના ભારત મંડપમ ખાતે ઇમર્જિંગ સાયન્સ, ટેકનોલોજી એન્ડ ઇનોવેશન કોન્ક્લેવ 2026નું ભવ્ય ઉદ્ઘાટન કર્યું છે. આ અવસરે દેશના વડાપ્રધાને સ્પષ્ટ શબ્દોમાં જણાવ્યું હતું કે વિકસિત ભારતનું આપણું મહત્વાકાંક્ષી સ્વપ્ન વૈજ્ઞાનિક સંશોધન અને ઇનોવેશનની ભાવનાના મજબૂત પાયા પર જ સાકાર થશે. તેમણે ઉમેર્યું કે 21મી સદીના ભારતનો આત્મવિશ્વાસ હવે એટલો મજબૂત છે કે આપણે માત્ર ટેકનોલોજી અપનાવવા વાળા નહીં, પણ નવી ટેકનોલોજીનું સર્જન કરીને તેની દિશા નક્કી કરનારા બન્યા છીએ, જેનું ઉદાહરણ આપણે કોવિડ મહામારી દરમિયાન વેક્સિન નિર્માણમાં દુનિયાભરને મદદ કરીને જોયું છે.
આ ભવ્ય ત્રણ દિવસીય કોન્ક્લેવ 27 થી 29 ઓક્ટોબર 2026 દરમિયાન યોજાઈ રહી છે, જેમાં દેશ-વિદેશના અગ્રેસર સાયન્ટિસ્ટ્સ, રિસર્ચર્સ, પોલિસીમેકર્સ, ઇન્ડસ્ટ્રી લિડર્સ અને સ્ટાર્ટઅપ્સ એક મંચ પર ભેગા થયા છે. આ ઇવેન્ટમાં આર્ટિફિશિયલ ઇન્ટેલિજન્સ, બાયોટેકનોલોજી, એડવાન્સ્ડ મટીરિયલ્સ, મેન્યુફેક્ચરિંગ, હેલ્થકેર, એનર્જી, ક્લાઇમેટ અને ઓશિન સાયન્સ સહિતના 12 મહત્વપૂર્ણ થીમેટિક એરિયાઝ પર વિસ્તૃત ચર્ચાઓ કરવામાં આવશે. આ બેઠકોનો મુખ્ય હેતુ વૈજ્ઞાનિક ઉપલબ્ધિઓને જમીની સ્તરે વ્યવહારિક ઉપયોગમાં લાવવા માટેની રાષ્ટ્રીય ક્ષમતાઓ વિકસાવવાનો છે.
આ કોન્ક્લેવના ભાગરૂપે દેશની સ્વદેશી વૈજ્ઞાનિક ઉપલબ્ધિઓ દર્શાવતી એક ભવ્ય ટેકનોલોજી અને ઇનોવેશન એક્ઝિબિશન પણ યોજાઈ રહી છે. જેમાં ખાસ કરીને આશરે 150 જેટલા ડીપ-ટેક સ્ટાર્ટઅપ સ્ટalls રાખવામાં આવ્યા છે, જે વિવિધ સેક્ટર્સમાં ટેકનોલોજીના વિકાસ અને તેની સંભવિત ઉપયોગિતા વિશે માહિતી આપશે. આ પ્રકારના પ્રયાસો થકી ભારત ક્રિટિકલ ટેકનોલોજીના ક્ષેત્રમાં આત્મનિર્ભર બનીને દુનિયા સામે આવનારી ટેકનોલોજીકલ જરૂરિયાતો માટે મજબૂત પાયા પર ઊભું રહેવા માટે સક્ષમ બનશે.
