સોમવારે સત્તાવાર જાહેરાતમાં ફેસબુકની પેરન્ટ કંપની મેટાએ જણાવ્યું છે કે તે આર્ટિફિશિયલ ઇન્ટેલિજન્સ એટલે કે એઆઈ ઇન્ફ્રાસ્ટ્રક્ચરના વિસ્તાર માટે અત્યાર સુધીનું સૌથી મોટું ફંડ એકત્ર કરવા જઈ રહી છે. કંપની આ માટે લગભગ 95 અબજ ડોલર સુધીનું ફંડ ઊભું કરશે, જેનો મુખ્ય હેતુ સીઈઓ માર્ક ઝકરબર્ગની વોટિંગ કંટ્રોલ પરની પકડ જાળવી રાખવાનો છે. આ ભંડોળ એકત્ર કરવા માટે કંપની બે અલગ-અલગ ઇક્વિટી મૂવ્સ લાવવાની યોજના પર કામ કરી રહી છે, જેથી બિઝનેસની ગતિને વધુ વેગ આપી શકાય.
આ ભંડોળ યોજનાના પ્રથમ તબક્કામાં કંપનીએ અંદાજે 35 અબજ ડોલરના કોમન અને પ્રિફર્ડ સ્ટોક પબ્લિક ઓફરિંગ દ્વારા બહાર પાડ્યા છે. જ્યારે બીજા તબક્કામાં 60 અબજ ડોલર સુધીનો અલગ એટ-ધ-માર્કેટ શેર સેલ પ્રોગ્રામ શરૂ કરવાનો પ્લાન છે. આ મોટો પ્રોગ્રામ વર્ષ 2027ના પ્રથમ ક્વાર્ટરમાં ક્લાસ સી શેર્સનું પબ્લિક ટ્રેડિંગ શરૂ થયા બાદ અમલમાં આવશે. આ ભીષણ નાણાકીય અભિયાનમાં મુખ્ય સેમિકન્ડોક્ટર પાર્ટનર્સ પણ જોડાઈ રહ્યા છે, જેમાં એનવીડિયા, એએમડી અને બ્રોડકોમ જેવી ટોચની ચિપમેકર કંપનીઓ મેટાના વોટિંગ ક્લાસ એ શેર્સમાં 5 અબજ ડોલર સુધીનું રોકાણ કરવા માટે ઉત્સુક છે.
ટેક વર્લ્ડમાં આ પ્રકારના મોટા રોકાણોને કારણે એઆઈ સેક્ટરમાં કેપિટલના રોટેશન પર ચર્ચા શરૂ થઈ છે, છતાં મેટા પોતાના ઓપનએઈ અને એન્થ્રોપિક જેવા રાઇવલ્સને ટક્કર આપવા માટે મોટા પાયે ડેટા સેન્ટર્સ અને એડવાન્સ સર્વર્સ બનાવી રહી છે. ગૂગલની પેરન્ટ કંપની આલ્ફાબેટ અને એલોન મસ્કની સ્પેસએક્સ જેવી જાયન્ટ્સ પણ હવે આ જ રીતે બજારમાંથી ફંડ એકત્ર કરી રહી છે. મેટાએ આગામી સમયમાં નવા ડેટા સેન્ટર અને ક્લાઉડ કમ્પ્યુટિંગ માટે અંદાજે 825 અબજ ડોલરના ખર્ચની પ્રતિબદ્ધતા દર્શાવી છે, જે ટેક ઇન્ડસ્ટ્રીમાં સૌથી મોટું પગલું સાબિત થશે.
