ઘણીવાર આપણે મોટી મોટી રકમ ભરીને મોંઘી પોલિસીઓ લેતા હોઈએ છીએ અને એમ માનતા હોઈએ છીએ કે આપણી પ્રોપર્ટી હવે સુરક્ષિત થઈ ગઈ છે. પરંતુ અમેરિકાના ઇલિનોઇસ રાજ્યમાં બનેલી આ ઘટનાએ બધાને વિચારતા કરી દીધા છે. અહીં એક ભવ્ય મેન્શનના માલિકે પોતાના ઘરના સામાન અને કિંમતી ચીજવસ્તુઓની સુરક્ષા માટે આશરે 8.75 મિલિયન ડોલર એટલે કે કરોડો રૂપિયાનું આશ્ચર્યજનક વીમા કવચ લીધું હતું. આટલું મોટું કવચ જોઈને કોઈ પણ એમ જ વિચારે કે નુકસાન થાય તો માલામાલ થઈ જવાય, પરંતુ હકીકત સાવ અલગ જ સાબિત થઈ.
જ્યારે આ મોટા મેન્શનના સામાનને નુકસાન પહોંચ્યું અને માલિકે વીમા કંપની પાસે વળતર માટે દાવો કર્યો, ત્યારે કંપનીએ નાના અક્ષરોમાં લખેલી શરતો અને નિયમો આગળ ધરીને ખેલ પાડી દીધો. કરોડોના દાવા સામે ઇન્શ્યોરન્સ કંપનીએ માત્ર 25000 ડોલરની રકમ જ મંજૂર કરી અને આપી દીધી. આટલી નાની રકમ જોઈને મેન્શનના માલિકના પગ તળેથી જમીન સરકી ગઈ. આ કિસ્સો બહાર આવતા જ લોકો ચોંકી ગયા છે કે આટલી મોટી પ્રીમિયમ રકમ ભરવા છતાં આવું કેમ થયું?
આ મામલો સામે આવ્યા બાદ હવે દુનિયાભરમાં એ ચર્ચા શરૂ થઈ ગઈ છે કે વીમા પૉલિસી લેતી વખતે માત્ર મોટી મોટી વાતો કે આંકડાઓ પર ભરોસો ન કરવો જોઈએ. પોલિસીના કાગળો પર લખેલી નાની-નાની શરતો અને નિયમોને બરાબર વાંચવા કેટલા જરૂરી છે. ઇલિનોઇસની આ ઘટના હવે લોકો માટે એક મોટો પાઠ બની ગઈ છે કે કાગળ પર દેખાતા મોટા આંકડાઓ ઘણીવાર હકીકતમાં સાચા નથી હોતા અને ઇન્શ્યોરન્સ કંપનીઓ પોતાના બચાવ માટે કેવા પેંતરા રચતી હોય છે.
