JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
ગુજરાત

મહેસાણા સિવિલ હોસ્પિટલમાં દિવાળી ટાણે ગુંજ્યા બાળકી અને બાળકના કિલકિલાટ

મહેસાણા સિવિલ હોસ્પિટલમાં દિવાળી ટાણે ગુંજ્યા બાળકી અને બાળકના કિલકિલાટ
દિવાળીના તહેવારોમાં ખાનગી હોસ્પિટલો બંધ હોવાથી મહેસાણા સિવિલમાં 45 સગર્ભાઓની સફળ પ્રસૂતિ કરાઈ હતી. તબીબોની ખડેપગે સેવાને કારણે 24 દીકરા અને 21 દીકરીઓના જન્મે પરિવારોની દિવાળીની ખુશીઓ બમણી કરી દીધી હતી.

દિવાળીના દીપોત્સવ અને રોશનીના પર્વ વચ્ચે મહેસાણા સિવિલ હોસ્પિટલનો ગાયનેક વિભાગ માનવતા અને સેવાના અનોખા દીવા પ્રગટાવી રહ્યો હતો. સામાન્ય રીતે તહેવારોની મોસમમાં મોટાભાગની સરકારી અને ખાનગી સંસ્થાઓમાં રજાઓનો માહોલ હોય છે, પરંતુ મહેસાણા શહેર અને આસપાસના ગ્રામ્ય વિસ્તારમાં સ્થિતિ અલગ હતી. જિલ્લાના મોટાભાગનાં ખાનગી પ્રસૂતિગૃહો અને હોસ્પિટલોમાં મિની વેકેશન જાહેર કરવામાં આવ્યું હતું, જેના કારણે કટોકટીના સમયે સગર્ભા મહિલાઓ માટે સરકારી સિવિલ હોસ્પિટલ જ એકમાત્ર મોટો અને ભરોસાપાત્ર સહારો બની રહી હતી.

ધનતેરસથી લઈને ૧૪ નવેમ્બર સુધીના આ સંવેદનશીલ સમયગાળા દરમિયાન, અચાનક પ્રસૂતિની પીડા ઉપડતાં કુલ 45 સગર્ભા મહિલાઓને ઇમરજન્સીમાં મહેસાણા સિવિલ હોસ્પિટલમાં દાખલ કરવામાં આવી હતી. આ પડકારજનક સ્થિતિમાં સિવિલ હોસ્પિટલના કુશળ ગાયનેક તબીબો અને તેમની નર્જિંગ ટીમે તહેવારની રજાઓની પરવા કર્યા વિના ખડેપગે સેવા આપી હતી. તબીબોની સતર્કતા અને વ્યાવસાયિક કુશળતાને કારણે તમામ 45 સગર્ભાઓની પ્રસૂતિ જટિલતાઓ વિના સંપૂર્ણપણે સફળ રહી હતી, જે હોસ્પિટલના તંત્ર માટે પણ એક મોટી સિદ્ધિ સમાન બની રહી હતી.

આ સફળ ઓપરેશનો બાદ હોસ્પિટલના પાંચસરા વોર્ડમાં નવજાત શિશુઓના કિલકિલાટ ગુંજી ઉઠ્યા હતા, જેમાં 24 દીકરાઓ અને 21 દીકરીઓનો જન્મ થયો હતો. ખાસ કરીને દિવાળીના પર્વ પર 21 પરિવારમાં દીકરીરૂપી લક્ષ્મીનું આગમન થતાં આનંદનું મોજું ફરી વળ્યું હતું અને પરિવારોની ખુશીઓ સાતમા આસમાને પહોંચી હતી. નવજાત બાળકોના પરિવારજનોએ આ ખુશી માત્ર ઘરમાં જ નહીં, પરંતુ હોસ્પિટલમાં જ તબીબો અને તેમની સમગ્ર ટીમ સાથે કેક કાપીને તથા મીઠાઈ વહેંચીને ઉત્સાહભેર દિવાળીની અવિસ્મરણીય ઉજવણી કરી હતી.

LATEST ARTICLES