રશિયા અને યુક્રેન વચ્ચે ચાલી રહેલા તણાવને લઈને દુનિયાભરના દેશોની નજર ટકેલી છે, ત્યાં જ મોસ્કો તરફથી એક મોટું નિવેદન સામે આવ્યું છે. રશિયન ફોરેન મિનિસ્ટર સર્ગેઈ લાવ્રોવે મંગળવારે સ્પષ્ટ શબ્દોમાં ચેતવણી આપી છે કે યુક્રેનમાં ચાલી રહેલો આ વિવાદ હાલ અટકે તેમ નથી અને આવનારા દિવસોમાં તે વધુ યુકેલેટ એટલે કે વણસી શકે છે. રશિયન ન્યૂઝ એજન્સીઓ દ્વારા આપવામાં આવેલા અહેવાલ મુજબ, કટોકટીનો આ દોર હજુ લાંબો સમય સુધી ચાલુ રહેશે અને પરિસ્થિતિ વધુ ગંભીર બની શકે છે.
આ મુદ્દે વાત કરતા સર્ગેઈ લાવ્રોવે જણાવ્યું હતું કે રાષ્ટ્રપતિ વ્લાદિમીર પુતિન અને ફિનલેન્ડ તથા નોર્વેના નેતાઓ વચ્ચે તાજેતરમાં જ ફોન પર વાતચીત થઈ હતી. આ નેતાઓ યુક્રેન સંકટના ઉકેલ માટેની વાતચીતમાં સક્રિયપણે ભાગ લેવા માટે ઉત્સુક છે, પરંતુ તેમની પાસેથી યુક્રેન કોન્ફ્લિક્ટને રોકવા માટે કોઈ નવી વિઝન કે નવો દ્રષ્ટિકોણ જોવા મળ્યો નથી. લાવ્રોવના મતે આ યુરોપિયન દેશો માત્ર નેગોશિએશન પ્રોસેસ એટલે કે વાટાઘાટોની પ્રક્રિયામાં કોઈને કોઈ રીતે પોતાનો રોલ મેળવવા માટે પ્રયાસ કરી રહ્યા છે.
આંતરરાષ્ટ્રીય રાજકારણમાં રશિયાના આ કડક વલણથી યુરોપ અને પશ્ચિમી દેશોની ચિંતાઓમાં ફરી વધારો થયો છે. રશિયા પોતાના સ્ટેન્ડ પર અક્મપ રહેતા એ વાત સ્પષ્ટ થઈ ગઈ છે કે હાલના તબક્કે યુદ્ધવિરામ કે શાંતિ મંત્રણાના કોઈ ઠોસ એંધાણ દેખાઈ રહ્યા નથી. આગામી સમયમાં આ વિવાદ વૈશ્વિક સ્તરે કેવા વળાંક લે છે અને બાકીના દેશો તેમાં કેવું વલણ અપનાવે છે, તેના પર હવે સૌની નજર રહેશે.
