દ્વારકા શહેરના રામપરા વિસ્તારમાં રહેતા નિરાલીબેન રમેશભાઈ દાણીધારીયાના ભાણેજ ધાર્મિકને ત્યાં જ રહેતા એક શખ્સના પુત્ર સાથે કોઈક બાબતે બોલાચાલી થઈ હતી. આ સામાન્ય ઝઘડો વસોમાં વેરઝેર વધારી ગયો હતો અને વાત વધી જતાં મામલો મારામારી સુધી પહોંચ્યો હતો. બાળકો વચ્ચેની આ તકરારથી ઉશ્કેરાઈને સામે પક્ષના ઈશ્વર રણમલભાઈ પરમાર, નિલેશ રણમલભાઈ અને રણમલભાઈ પરમાર નામના ત્રણેય પિતા-પુત્રો એકસંપ થઈને ધસી આવ્યા હતા અને માહોલ તણાવપૂર્ણ બન્યો હતો.
આ ત્રણેય શખ્સોએશાસન કે કાયદાની કોઈ પરવા કર્યા વગર હાથમાં લાકડી અને પાઈપ જેવા હથિયારો સાથે ધાર્મિક પર હુમલો કરી દીધો હતો. યુવાન પર અચાનક થયેલા હુમલાને જોઈને બચાવવા માટે વચ્ચે પડેલા નિરાલીબેન અને કાજલબેન નામના બે મહિલાઓને પણ આ હુમલાખોરોએ છોડ્યા નહોતા અને તેમને પણ બેરહેમીથી માર માર્યો હતો, જેને કારણે ત્રણેયને ગારી ઈજાઓ પહોંચી હતી. આ ઘટનાથી આસપાસના વિસ્તારમાં થોડીવાર માટે ભય અને દોડધામ મચી ગઈ હતી.
બનાવ બાદ ઈજાગ્રસ્ત નિરાલીબેન દ્વારા સ્થાનિક પોલીસ સ્ટેશનમાં જઈને સમગ્ર ઘટના અંગે સત્તાવાર ફરિયાદ નોંધાવવામાં આવી હતી. પોલીસ દ્વારા મહિલાની ફરિયાદના આધારે હુમલો કરનાર ત્રણેય આરોપીઓ સામે ગુનો દાખલ કરવામાં આવ્યો છે અને કાયદેસરની તપાસ શરૂ કરવામાં આવી છે. પોલીસ આ મામલે આરોપીઓની ધરપકડ કરવા માટેના ચક્રોગતિમાન કર્યા છે જેથી આગામી સમયમાં કાયદાનો ડર જળવાઈ રહે.
