જામનગરના આંગણે આગામી 24 જાન્યુઆરી 2027ના રવિવારના રોજ સમસ્ત ખવાસ જ્ઞાતિ મધ્યસ્થ મંડળ દ્વારા 41મો ભવ્ય સમૂહ લગ્નોત્સવ યોજાવા જઈ રહ્યો છે. જ્ઞાતિના જરૂરિયાતમંદ પરિવારોને લગ્નનો ભાર હળવો કરવા અને ઉત્સાહથી નવા જીવનની શરૂઆત કરવા માટે આ સુંદર આયોજન દર વર્ષની જેમ કરવામાં આવ્યું છે. આ સમૂહ લગ્નમાં પોતાના સંતાનોના લગ્ન કરાવવા માંગતા વાલીઓમાં અત્યારથી જ ભારે ઉત્સાહ જોવા મળી રહ્યો છે અને આયોજકો દ્વારા તૈયારીઓ પણ શરૂ કરી દેવામાં આવી છે.
આ સમૂહ લગ્નમાં રજિસ્ટ્રેશન કરાવવા માટે વર-કન્યાના વાલીઓએ આગામી 31 ઓક્ટોબર સુધીમાં ફોર્મ મેળવીને જરૂરી દસ્તાવેજો સાથે જમા કરાવવાના રહેશે. ફોર્મ મેળવવા અને પરત આપવા માટે જામનગરમાં ખાદી ભંડાર સામે આવેલ સુરેશ બુક સ્ટોર્સ અથવા ત્રણ દરવાજા પાસે આવેલ રૂપાલી એન્ટરપ્રાઈઝનો સંપર્ક કરવાનો રહેશે. ફોર્મ સાથે વર અને કન્યાની સ્કૂલ લિવિંગ સર્ટિફિકેટ (એલસી) ની નકલ, આધારકાર્ડ કે ચૂંટણીકાર્ડ, રાશન કાર્ડ, કન્યાના બેંક ખાતાની નકલ, જાતિનો દાખલો, માતા-પિતાના આધારકાર્ડ, કન્યાના પિતાનો આવકનો દાખલો તેમજ પાસપોર્ટ સાઈઝના 3 ફોટા જોડવાના રહેશે.
આ સમગ્ર આયોજનને સફળ બનાવવા માટે મંડળના આગેવાનો જહેમત ઉઠાવી રહ્યા છે અને કોઈ પણ પ્રકારની મૂંઝવણ હોય તો એન્જલ પરમાર (મોબાઈલ નંબર 9374323214) અથવા ભરતભાઈ સોલંકી (મોબાઈલ નંબર 7862000742) નો સંપર્ક કરવા જણાવાયું છે. જ્ઞાતિના આ પવિત્ર અને સામુહિક પ્રસંગમાં વધુમાં વધુ પરિવારો જોડાઈને આ અવસરનો લાભ લે તેવી આયોજકો દ્વારા અપીલ કરવામાં આવી છે.
