નમસ્કાર મિત્રો, આજની તારીખ 26 ઓક્ટોબરના દિવસે દેશભરમાંથી અનેક મોટા અને ચોંકાવનારા સમાચારો સામે આવ્યા છે. જો રાજકારણની વાત કરીએ તો, વિપક્ષને જોરદાર ટક્કર આપવા માટે ભાજપે હવે પીછેહઠ ન કરતા આક્રમક રણનીતિ અપનાવી છે અને 1 નવેમ્બરથી મેગા માર્ચની તૈયારીઓ શરૂ કરી દીધી છે. બીજી તરફ ઓટોમોબાઈલ સેક્ટરમાં કેન્દ્ર સરકારે એકદમ ક્રાંતિકારી પગલું ભરતા જાહેરાત કરી છે કે હવે ગાડીઓ માત્ર પેટ્રોલ પર જ નહીં, પરંતુ સંપૂર્ણપણે ઇથેનોલથી દોડતી થશે જેથી પ્રદૂષણ અને આયાત પરનો બોજ ઘટી શકે.
ગુજરાતમાંથી પણ કેટલાક મોટા અપડેટ્સ આવ્યા છે. અમદાવાદના સોલા ગામ તળાવ પાસે ડ્રેનેજ લાઈનમાં 4 મજૂરો અચાનક ખાબકતા ભારે નાસભાગ મચી ગઈ હતી, જ્યાં ફાયર બ્રિગેડે તાબડતોબ રેસ્ક્યુ ઓપરેશન હાથ ધર્યું હતું. આ ઉપરાંત અમદાવાદમાં છેલ્લા 10 દિવસમાં જ ફાયરિંગની ચોતી ઘટના સામે આવી છે, જેમાં ડ્રગ્સ કેસના એક કુખ્યાત આરોપીને પકડવા માટે પોલીસે તેના પર ગોળીબાર કરવો પડ્યો હતો. બીજી તરફ નર્મદાના એકતાનગરમાં રાષ્ટ્રીય એકતા પરેડ પહેલા જ ડેન્ગ્યુએ પગ પેસારો કર્યો છે, જ્યાં આસામથી આવેલા 40 જવાનોમાંથી 21 જવાનો ટેસ્ટમાં ડેન્ગ્યુ પોઝિટિવ આવતા આરોગ્ય તંત્રમાં દોડધામ મચી ગઈ છે.
દેશની રાજધાની દિલ્હીથી વાચકો માટે રાહતના સમાચાર આવ્યા છે, જ્યાં અચાનક પડેલા વરસાદે હવાનું પ્રદૂષણ ધોઈ નાખ્યું છે અને AQI જે અગાઉ 300ને પાર પહોંચી ગયો હતો તે ઘટીને હવે 175 પર આવી ગયો છે. જો કે, બીજી તરફ મોંઘવારી મોરચે ચિંતા વધી છે કારણ કે તુવેર, મસૂર અને ચણા જેવી દાળોની આયાતમાં 67 ટકાનો મોટો વધારો થયો છે જેને કારણે આગામી દિવસોમાં દાળના ભાવ વધુ ભડકે બળે તેવી શક્યતા છે. સાયબર ક્રાઈમના વધતા કિસ્સા વચ્ચે બેંગલુરુથી એક ચોંકાવતો કિસ્સો આવ્યો છે જ્યાં એક મહિલાએ બ્લિંકીટ પર માત્ર દહીંનું રિફંડ માંગતા જ સ્માર્ટ સ્કેમર્સ દ્વારા તેના બેંક ખાતામાંથી ₹98,000 ગાયબ કરી દેવામાં આવ્યા છે. આજના શેર માર્કેટના કારોબારની વાત કરીએ તો, સારો અંત જોવા મળ્યો હતો અને સેન્સેક્સ લીલા નિશાનમાં 73,606.75 અંકે બંધ થયો હતો.
