દેશમાં કાપડ ઉદ્યોગ સાથે જોડાયેલા લોકો માટે એક મોટા રાહતના સમાચાર સામે આવી રહ્યા છે. સ્થાનિક બજારમાં કોટનની અછતને પહોંચી વળવા અને તેના વધી રહેલા ભાવોને નીચે લાવવા માટે કેન્દ્ર સરકાર ડિસેમ્બર સુધી કોટન આયાત પરની 11 ટકા કસ્ટમ ડ્યુટીની છૂટને લંબાવવા પર ગંભીરતાથી વિચાર કરી રહી છે. સરકારના આ પગલાથી દેશની ટેક્સટાઇલ મિલ્સને મોટો આર્થિક ફાયદો થશે અને પ્રોડક્શન કોસ્ટ ઘટશે.
વર્તમાન સ્થિતિ પર નજર કરીએ તો, દેશમાં કોટનનું ઉત્પાદન ઘટવાની પૂરી શક્યતા છે જેના કારણે ઘરેલું બજારમાં ભાવ ઊંચા જળવાઈ રહ્યા છે. અંદાજ મુજબ વર્ષ 2026-27માં કોટનનું કુલ ઉત્પાદન 29 મિલિયન બિલ્સથી પણ ઓછું રહેવાનો અંદાજ છે, જ્યારે તેની સામે દેશમાં વાર્ષિક માંગ 34 મિલિયન બિલ્સને પાર કરી ચૂકી છે. આ માંગ અને પુરવઠા વચ્ચેના મોટા તફાવતના કારણે કાપડ ઉદ્યોગ મુશ્કેલીમાં મુકાયો છે.
જો આયાત શુલ્કમાં છૂટ ડિસેમ્બર સુધી લંબાવવામાં આવે, તો બહારથી આવતા કોટન પર વધારાનો બોજ નહીં પડે અને મિલ્સને સરળતાથી અને સસ્તા દરે રો મટીરિયલ મળી રહેશે. આનાથી માત્ર મિલ્સ જ નહીં, પરંતુ અંતે ગ્રાહકોને પણ કપડાંના બજારમાં મોંઘવારી સામે રાહત મળવાની ઉમ્મર છે. સરકારના આ સંભવિત નિર્ણયથી બજારમાં નવો વેગ આવશે અને વેપારીઓ પણ હાશકારો અનુભવશે.
