યુનિયન મિનિસ્ટર પીયૂષ ગોયલે એક કાર્યક્રમમાં બહુ જ રસપ્રદ વાત કહી છે. તેમણે જણાવ્યું કે આજની તારીખમાં આખી દુનિયામાં ભારત સાથે ફ્રી ટ્રેડ એગ્રીમેન્ટ એટલે કે FTA કરવા માટે ફહોમો એટલે કે ફિયર ઓફ મિસિંગ આઉટ જોવા મળી રહ્યો છે. સરળ ભાષામાં કહીએ તો દુનિયાના દેશોને એવો ડર લાગવા માંડ્યો છે કે જો તેઓ સમયસર ભારત સાથે બિઝનેસ ડીલ નહીં કરે, તો તેઓ દુનિયાના સૌથી ઝડપથી આગળ વધતા આ મોટા માર્કેટનો લાભ ઉઠાવવાથી વંચિત રહી જશે. આ જ કારણ છે કે આજે અમેરિકાથી લઈને યુરોપ સુધીના દેશો ભારત સાથે ગાઢ વેપારી સંબંધો બનાવવા માટે લાઇનમાં ઊભા છે.
આજે ભારત માત્ર એક ગ્રાહક દેશ નથી રહ્યો, પણ મેન્યુફેક્ચરિંગ અને ટેકનોલોજીનું હબ બની ગયો છે. દુનિયાભરના ઇન્વેસ્ટર્સ સમજી ગયા છે કે જો ભવિષ્યમાં ગ્રોથ જોઈતો હોય, તો ભારતને નજરઅંદાજ કરી શકાય તેમ નથી. દેશની મજબૂત ઇકોનોમી, પારદર્શક સરકારી નીતિઓ અને 140 કરોડથી વધુ લોકોનું વિશાળ માર્કેટ વિદેશી કંપનીઓને આકર્ષિત કરી રહ્યું છે. સરકારે મેક ઇન ઇન્ડિયા અને આત્મનિર્ભર ભારત જેવા અભિયાનથી બિઝનેસ કરવાનું ઘણું સરળ બનાવી દીધું છે, જેના કારણે ગ્લોબલ પ્લેયર્સ અહીં આવીને રોકાણ કરવા માટે ઉત્સાહિત છે.
આ વ્યાપારિક ભાગીદારીથી આવનારા દિવસોમાં દેશના યુવાનો માટે રોજગારીની નવી તકો ઊભી થશે અને લોકલ ઇન્ડસ્ટ્રીઝને પણ ગ્લોબલ પ્લેટફોર્મ મળશે. પીયૂષ ગોયલના આ નિવેદનથી સ્પષ્ટ થઈ જાય છે કે આવનારા સમયમાં ગ્લોબલ ટ્રેડમાં ભારતનું પલ્લું કેટલું ભારે રહેવાનું છે અને દુનિયા હવે આપણી શરતો અને ક્ષમતાઓને સ્વીકારી રહી છે.
