બ્રાઝિલના રાષ્ટ્રપતિ તરીકે લુઇસ ઇનાસિયો લુલા ડા સિલ્વાની ચોથી ટર્મ જાન્યુઆરીથી શરૂ થવા જઈ રહી છે, પરંતુ તેમની સામે આર્થિક મોરચે મોટા પહાડ જેવા પડકારો ઉભા છે. જોકે છેલ્લા કેટલાક વર્ષોમાં દેશની અર્થવ્યવસ્થાએ અપેક્ષાઓ કરતા સારો દેખાવ કર્યો છે, છતાં વધતું પબ્લિક દેવું અને વર્ષો જૂની માળખાકીય સમસ્યાઓ લુલાની મુશ્કેલીઓમાં વધારો કરી રહી છે. હાલની સ્થિતિ જોતા લુલાની સરકાર માટે આગામી સમય આસાન નહીં રહે.
સૌથી મોટો પ્રશ્ન દેશના પબ્લિક દેવાને લઈને છે, જે લુલાની વર્તમાન ટર્મ દરમિયાન 10 ટકાથી વધુ વધીને જીડીપીના 82%ને પાર પહોંચી ગયું છે. આ વધતા દેવા પાછળનું મુખ્ય કારણ વર્ષોથી વધી રહેલા ફરજિયાત ખર્ચ છે, જેના કારણે ફેડરલ બજેટમાંથી માત્ર 8% રકમ જ નિયંત્રિત કરી શકાય તેવી બચી છે. રસપ્રદ વાત એ છે કે લુલા આ બાબતે મિશ્ર સંકેતો આપી રહ્યા છે. ક્યારેક તેઓ દેવાની ચિંતાઓને માત્ર બકવાસ ગણાવીને ફગાવી દે છે, તો વળીસામે એમ પણ દલીલ કરે છે કે દેશનો મજબૂત આર્થિક વિકાસ આ સમસ્યાને જાતે જ ઉકેલી દેશે.
બીજી બાજુ લુલાની ટીમે સરકારના બજેટ નિયમોનું પાલન કરવાનું વચન આપ્યું છે, જેમાં ખર્ચની મર્યાદા નક્કી કરવી અને પ્રાઈમરી બેલેન્સના લક્ષ્યાંકો જાળવી રાખવાનો સમાવેશ થાય છે. પરંતુ આ લક્ષ્યો હાંસલ કરવા એટલા માટે મુશ્કેલ બનશે કારણ કે લુલાએ મોંઘવારી કરતા પણ ઝડપથી મિનિમમ વેજ વધારવાનું વચન આપ્યું છે, જેના કારણે પેન્શનનો ખર્ચ પણ વધી જશે. આ ઉપરાંત, સરકારે પહેલા જ વેલફેર બેનિફિટ્સ વધાર્યા છે અને નવા ખર્ચાઓના વચનો પણ આપ્યા છે. આ બધી પરિસ્થિતિ વચ્ચે વ્યાજ દર 13.75% હોવા છતાં, બ્રાઝિલનો વાર્ષિક ફુગાવો 4.6% પર ચાલી રહ્યો છે, જે સેન્ટ્રલ બેંકની 1.5% થી 4.5% ની સહનશક્તિ મર્યાદા કરતા હજુ પણ ઉપર છે.
