બોલિવૂડના જાણીતા દિગ્દર્શક ફરાહ ખાન અને અભિનેત્રી મંદિરા બેદીએ તાજેતરમાં આશિયાના સિનિયર લિવિંગ રિસોર્ટની ખાસ મુલાકાત લીધી હતી. આ મુલાકાત દરમિયાન બંને કલાકારોએ નિવૃત્ત વરિષ્ઠ નાગરિકો માટે તૈયાર કરવામાં આવેલા આ અતિ આધુનિક અને સુવિધાસભર આવાસ સંકુલનું બારીકાઈથી નિરીક્ષણ કર્યું હતું. આજના દોડધામભર્યા યુગમાં વડીલો માત્ર નિવૃત્તિનો સમય વિતાવવાને બદલે એક સક્રિય, તંદુરસ્ત અને ઉમંગભર્યું જીવન જીવી શકે તેવા ઉદ્દેશ્ય સાથે નિર્માણ પામેલા આ પરિસરે બંને સેલિબ્રિટીઝનું વિશેષ ધ્યાન ખેંચ્યું હતું.
મુલાકાત દરમિયાન અભિનેત્રી મંદિરા બેદીએ રિસોર્ટમાં ઉપલબ્ધ વિવિધ સુવિધાઓ દર્શાવી હતી, જેમાં વડીલોના સ્વાસ્થ્ય અને મનોરંજન બંનેનું પૂરતું ધ્યાન રાખવામાં આવ્યું છે. આ પરિસરમાં સ્વિમિંગ પૂલ, એક્વા એરોબિક્સ, રમતો માટેનો વિશેષ ગેમિંગ રૂમ, સંગીત ખંડ તેમજ શાંતિથી પુસ્તકો વાંચી શકાય તેવું સુસજ્જ વાચનાલય સામેલ છે. આ ઉપરાંત અદ્યતન ક્લબહાઉસમાં વિવિધ સામાજિક અને સાંસ્કૃતિક પ્રવૃત્તિઓ સતત ચાલતી રહે છે. કલાકારોએ વડીલો માટે ખાસ ડિઝાઇન કરાયેલા ત્રણ બેડરૂમના આલીશાન ઘરોની પણ મુલાકાત લીધી હતી, જે અત્યંત આરામદાયક અને સુરક્ષિત જીવનશૈલી પ્રદાન કરે છે.
ફરાહ ખાન અને મંદિરા બેદીએ આ પ્રકારના આવાસ મોડેલની મુક્ત મને પ્રશંસા કરતા જણાવ્યું હતું કે આ કમ્યુનિટી વડીલોમાં એકલતા દૂર કરી નવો ઉત્સાહ ભરે છે. સમાન વયજૂથના લોકો સાથે મળીને રમતગમત, કસરત અને મનોરંજનમાં ભાગ લઈ શકે તેવી આ વ્યવસ્થા વરિષ્ઠ નાગરિકોને માનસિક અને શારીરિક રીતે સ્વસ્થ રાખવામાં મદદરૂપ બને છે. જીવનના ઉત્તરાર્ધમાં સ્વતંત્રતા, સન્માન અને મોજશોખ સાથે જીવવા માંગતા વડીલો માટે આ પ્રકારની લાઈફસ્ટાઈલ આજના સમયમાં શ્રેષ્ઠ અને પ્રેરણાદાયી વિકલ્પ બની રહી છે.
