JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
ક્રાઈમ

જમ્મુ-કાશ્મીરમાં લશ્કર અને જૈશના આતંકી નેટવર્કને નેસ્તનાબૂદ કરવા એનઆઈએની મોટી કાર્યવાહી

જમ્મુ-કાશ્મીરમાં લશ્કર અને જૈશના આતંકી નેટવર્કને નેસ્તનાબૂદ કરવા એનઆઈએની મોટી કાર્યવાહી
નેશનલ ઇન્વેસ્ટિગેશન એજન્સી (NIA) દ્વારા જમ્મુ-કાશ્મીરના રાજૌરી સેક્ટરમાં સક્રિય પાકિસ્તાની આતંકી સંગઠનો લશ્કર-એ-તૈયબા અને જૈશ-એ-મોહમ્મદના ઓવર ગ્રાઉન્ડ વર્કર્સના નેટવર્કની તપાસ માટે સત્તાવાર રીતે કેસ નોંધીને તપાસનો ધમધમાટ શરૂ કરવામાં આવ્યો છે.

જમ્મુ અને કાશ્મીરના સંવેદનશીલ પીર પંજાલ ક્ષેત્રમાં આતંકવાદીઓ દ્વારા ફેલાવવામાં આવતા ભયના સામ્રાજ્ય અને તેમના ઇકોસિસ્ટમને તોડી પાડવા માટે કેન્દ્રીય તપાસ એજન્સી એનઆઈએ એક્શન મોડમાં આવી ગઈ છે. પ્રાપ્ત વિગતો અનુસાર, ગત સપ્ટેમ્બર મહિનામાં જમ્મુ-કાશ્મીર પોલીસ દ્વારા રાજૌરી વિસ્તારમાં એક મોટા આતંકી નેટવર્કનો પર્દાફાશ કરવામાં આવ્યો હતો, જેની ગંભીરતાને ધ્યાનમાં રાખીને હવે આ માારની તપાસ એનઆઈએને સોંપવામાં આવી છે. આ કેસ મૂળરૂપે સ્થાનિક પોલીસ દ્વારા દાખલ કરવામાં આવેલી એફઆઈઆરના આધારે આગળ ધપાવવામાં આવી રહ્યો છે, જેથી આતંકવાદને પોષતા સ્થાનિક અને આંતરરાષ્ટ્રીય કાવતરાંના તમામ પડદો ખુલ્લા કરી શકાય.

આ કેસની શરૂઆત ત્યારે થઈ હતી જ્યારે જમ્મુ-કાશ્મીર પોલીસે સપ્ટેમ્બરની ૧૪ તારીખે ખાસ ઓપરેશન હાથ ધરીને ઝાકિર હુસેન, મોહમ્મદ આઝમ અને મોહમ્મદ મુશ્તાક નામના શખ્સોની ધરપકડ કરી હતી. પોલીસ કસ્ટડીમાં આરોપીઓની કડક પૂછપરછ દરમિયાન ચોંકાવનારા ખુલાસા સામે આવ્યા હતા. આ શખ્સો પાકિસ્તાન સ્થિત કુખ્યાત આતંકી સંગઠનો લશ્કર-એ-તૈયબા (LeT) અને જૈશ-એ-મોહમ્મદ (JeM) માટે ઓવર ગ્રાઉન્ડ વર્કર્સ (OGW) તરીકે કામ કરતા હોવાનું બહાર આવ્યું હતું. તેઓ માત્ર પાકિસ્તાની આતંકવાદીઓને કાશ્મીર ઘાટીમાં પ્રવેશવા માટે ગાઇડ તરીકેની ભૂમિકા જ નથી ભજવતા પરંતુ તેમને તમામ પ્રકારની લોજિસ્ટિકલ સપોર્ટ અને આશ્રય પૂરો પાડવામાં પણ સક્રિય હતા.

તપાસ દરમિયાન ધરપકડ કરાયેલા આરોપીઓની નિશાનદેહી પરથી સુરક્ષા દળોએ એક અત્યાધુનિક આઈઈડી (IED) બોમ્બ પણ જપ્ત કર્યો હતો. પોલીસના જણાવ્યા અનુસાર, આ વિસ્ફોટક ઉપકરણ આતંકવાદીઓ દ્વારા સુરક્ષિત રાખવા માટે ઓવર ગ્રાઉન્ડ વર્કર્સને સોંપવામાં આવ્યું હતું અને તેનો ઉપયોગ ભવિષ્યમાં કોઈ મોટા નિર્ધારિત લક્ષ્ય પર હુમલો કરવા માટે કરવાનો પ્લાન હતો. એનઆઈએ દ્વારા આ સમગ્ર નેટવર્કના મૂળ સુધી પહોંચવા અને આતંકી પ્રવૃત્તિઓને નાણાકીય તેમજ અન્ય મદદ પૂરી પાડનાર અન્ય શંકાસ્પદોની ઓળખ કરવા માટે વધુ તપાસ હાથ ધરવામાં આવી છે.

ક્રાઈમ વિભાગના વધુ સમાચાર

LATEST ARTICLES