JAMNAGAR 361005 GUJARAT, INDIA
મુખ્ય પાના પર પાછા જાઓ
JAMNAGAR MIRROR
સ્પોર્ટ્સ

ભારતના લક્ષ્ય સેને રચ્યો ઇતિહાસ, જાપાન ઓપન બેડમિન્ટન ટૂર્નામેન્ટનું ટાઇટલ જીતી મેળવી ભવ્ય સફળતા

ભારતના લક્ષ્ય સેને રચ્યો ઇતિહાસ, જાપાન ઓપન બેડમિન્ટન ટૂર્નામેન્ટનું ટાઇટલ જીતી મેળવી ભવ્ય સફળતા
ભારતના સ્ટાર બેડમિન્ટન ખેલાડી લક્ષ્ય સેને ફાઇનલમાં જાપાનના કોકી વાતાનાબેને હરાવીને કુમામોટો માસ્ટર્સ જાપાન ઓપનનું ટાઇટલ જીતી લીધું છે. આ શાનદાર વિજય સાથે જ લક્ષ્યે બીડબ્લ્યુએફ વર્લ્ડ ટૂર ફાઇનલ્સ માટે પણ સત્તાવાર રીતે ક્વોલિફાય કરી લીધું છે.

જાપાનના કુમામોટો ખાતે રમાયેલી રોમાંચક કુમામોટો માસ્ટર્સ જાપાન ઓપન બેડમિન્ટન ટૂર્નામેન્ટમાં ભારતના પ્રભાવી ખેલાડી લક્ષ્ય સેને પોતાની શ્રેષ્ઠ રમતનું પ્રદર્શન કરીને સૌનું ધ્યાન ખેંચ્યું છે. મેન્સ સિંગલ્સની આ અત્યંત રસાકસીભરી ફાઇનલ મેચમાં લક્ષ્યનો મુકાબલો સ્થાનિક ખેલાડી અને લોકલ ફેવરિટ કોકી વાતાનાબે સામે હતો. શરૂઆતમાં પ્રથમ ગેમ ગુમાવ્યા બાદ પણ લક્ષ્યે માનસિક મજબૂતી અને અદ્ભુત ઝનૂન દાખવતા મેચમાં શાનદાર વાપસી કરી હતી અને પ્રતિસ્પર્ધીને કોઈ તક આપી ન હતી.

એક કલાક અને ચાર મિનિટ સુધી ચાલેલા આ સંઘર્ષપૂર્ણ મુકાબલામાં વિશ્વના 13મા નંબરના ખેલાડી લક્ષ્ય સેને 13-21, 21-18, 21-14થી રોમાંચક વિજય મેળવ્યો હતો. જર્મનીમાં તાજેતરમાં જ હાયલો ઓપન જીતનાર લક્ષ્યનું બીડબ્લ્યુએફ ટૂર પર આ સતત બીજું ખિતાબી વિજય છે. મેચ જીત્યા બાદ પોતાની ખુશી વ્યક્ત કરતા ૨૫ વર્ષીય લક્ષ્યે જણાવ્યું હતું કે આ વિજયથી તેનોત્મવિશ્વાસ ખૂબ જ વધ્યો છે અને તે પોતાની આ વિજયી લયને આગામી સ્પર્ધાઓમાં પણ યથાવત રાખવા માટે સંપૂર્ણપણે કટિબદ્ધ છે.

આ ભવ્ય વિજય માત્ર એક ટાઇટલ પૂરતો મર્યાદિત નથી, પરંતુ તે લક્ષ્યની કરિયર માટે ખૂબ જ સીમાચિહ્નરૂપ સાબિત થયો છે. આ જીતથી મળેલા ૯,૨૦૦ ગુણાંકના આધારે આગામી રૅકિંગ્સ અપડેટ થતાની સાથે જ લક્ષ્ય 'રેસ ટુ ફાઇનલ્સ'માં ૧૨મા સ્થાનમાંથી છઠ્ઠા ક્રમે પહોંચી જશે, જે આગામી હાંગઝોઉ વર્લ્ડ ટૂર ફાઇનલ્સ માટે તેના ક્વોલિફિકેશનને અત્યંત મજબૂત કરે છે. ભલે હૉંગ કૉંગ ઓપન હજી આખરી ક્વોલિફાઇંગ સ્પર્ધા બાકી હોય, પરંતુ લક્ષ્યની વર્તમાન ફોર્મ અને ઝળહળતી સફળતાએ ભારતીય બેડમિન્ટન જગતમાં નવો ઉત્સાહ ભરી દીધો છે.

LATEST ARTICLES