ગુરુગ્રામમાં ગતિના શોખીનો અને બેફામ ડ્રાઇવિંગ કરનારા લોકોના કારણે માર્ગ અકસ્માતોની ઘટનાઓમાં સતત વધારો થઈ રહ્યો છે. તાજેતરની આ ઘટના શુક્રવાર અને શનિવારની વચ્ચેની મોડી રાત્રે અંદાજે ૧:૩૦ વાગ્યે ગોલ્ફ કોર્સને જોડતા રસ્તા પર, રેપિડ મેટ્રો લાઇનની નીચે બની હતી. મળતી માહિતી મુજબ, એક પૂરઝડપે આવી રહેલી કાળા રંગની એસયુવી (SUV) કારે આગળ ચાલી રહેલા વાહનને જોરદાર ટક્કર મારી હતી, જેના કારણે તે વાહન લપસી ગયું હતું. આ અનિયંત્રિત બનેલી એસયુવીએ વધુ એક કોમર્શિયલ ટેક્સીને જોરદારડફેટમાં લીધી અને અંતે રસ્તાની ડાબી બાજુની દીવાલ સાથે અથડાઈને રોકાઈ ગઈ હતી.
આ ભયાનક અકસ્માતની તીવ્રતા એટલી બધી પ્રચંડ હતી કે ટક્કર વાગતા જ ટેક્સી હવામાં પલટી ગઈ હતી અને રસ્તા પર ઘસડાતી ઘસડાતી દૂર સુધી ગઈ હતી. આ અકસ્માતમાં સંડોવાયેલા અન્ય એક વાહનના એરબેગ્સ પણ સમયસર ખુલી ગયા હતા, જેથી મોટો બચાવ થયો હતો, પરંતુ ટેક્સીના ડ્રાઇવરને ગંભીર ઈજાઓ પહોંચી હતી. દુર્ઘટના બાદ તરત જ સ્થાનિક લોકો અને રાહદારીઓની ભીડ એકઠી થઈ ગઈ હતી. ઈજાગ્રસ્ત ટેક્સી ચાલકને તાત્કાલિક ધોરણે નજીકની હોસ્પિટલમાં ખસેડવામાં આવ્યા છે, જ્યાં તેમની સારવાર ચાલી રહી છે.
ઘટનાની જાણ થતાં જ ડીએલએફ પેટ્રોલિંગ ટીમ અને સ્થાનિક પોલીસ કાફલો ત્વરિત ઘટનાસ્થળે દોડી આવ્યો હતો અને ટ્રાફિક વ્યવૂર્વત કરી સ્થિતિ સંભાળી હતી. આ સમગ્ર ઘટના પાછળની કારમાં લાગેલા ડેશકેમ (Dashcam) માં સ્પષ્ટપણે રેકોર્ડ થઈ ગઈ હતી, જેનો ફૂટેજ સોશિયલ મીડિયા પર આગની જેમ ફેલાઈ ગયો છે. પોલીસે આ વાયરલ વીડિયો પુરાવાને આધાર બનાવીને કાયદેસરની તપાસ હાથ ધરી છે અને અકસ્માત માટે જવાબદાર વાહનચાલકની શોધખોળ શરૂ કરી છે. ગુરુગ્રામ પોલીસના જણાવ્યા અનુસાર, ટ્રાફિક નિયમોના ભંગ અને ઓવરસ્પીડિંગ સામે કડક પગલાં લેવામાં આવશે.
