Banaskanthaના અમીરગઢ નજીક ગોઝારો અકસ્માત: કાર અને ગેસ ટેન્કર વચ્ચેની ટક્કરમાં 1નું કરુણ મોત

બનાસકાંઠા જિલ્લાના અમીરગઢ પંથકમાંથી અકસ્માતની વધુ એક ચિંતાજનક ઘટના સામે આવી છે. અમીરગઢ વિસ્તારની નજીક પુરઝડપે દોડતી કાર અને ગેસ ટેન્કર વચ્ચે ધડાકાભેર ગંભીર અકસ્માત સર્જાયો હતો. આ ટક્કર એટલી જોરદાર હતી કે અકસ્માતના પગલે હાઈવે પર ભારે અફરાતફરી મચી ગઈ હતી અને વાહનવ્યવહાર પણ થોડા સમય માટે પ્રભાવિત થયો હતો.એક વ્યક્તિનું ઘટનાસ્થળે જ કમનસીબ મોતઆ ભયાનક અકસ્માતમાં કારમાં સવાર એક વ્યક્તિને ગંભીર ઇજાઓ પહોંચતા તેનું ઘટનાસ્થળે જ કમનસીબ મોત નીપજ્યું હતું. દુર્ઘટનાની જાણ થતા જ આસપાસના વિસ્તારમાંથી લોકોનાં ટોળેટોળાં ઘટનાસ્થળે એકત્ર થઈ ગયા હતા. અકસ્માતની ભયાનકતા જોઈને સ્થાનિક રહીશોમાં પણ ભારે હ્દયદ્રાવક વાતાવરણ સર્જાયું હતું.અમીરગઢ પોલીસ દ્વારા તપાસનો ધમધમાટ શરૂઘટનાની માહિતી મળતા જ અમીરગઢ પોલીસ સ્ટેશનનો કાફલો તાત્કાલિક ઘટનાસ્થળે દોડી આવ્યો હતો. પોલીસે સ્થિતિને કાબૂમાં લઈને ટ્રાફિક ક્લિયર કરાવ્યો હતો અને મૃતદેહને પોસ્ટમોર્ટમ અર્થે ખસેડવાની તજવીજ હાથ ધરી હતી. આ અકસ્માત કયા સંજોગોમાં અને કેવી રીતે સર્જાયો તે અંગે પોલીસે ગુનો નોંધીને વધુ કાયદેસરની તપાસ શરૂ કરી છે. ઉલ્લેખનીય છે કે અમીરગઢ તાલુકામાં અકસ્માતોની ઘટનાઓમાં સતત થઈ રહેલા વધારાને લઈને વાહનચાલકોમાં પણ ચિંતા પ્રવર્તી રહી છે.ગુજરાતના વધુ સમાચાર વાંચવા માટે ક્લિક કરો