ઓસ્ટ્રેલિયા સામેની ત્રીજી ટેસ્ટ મેચમાં દક્ષિણ આફ્રિકાના સ્ટાર ઝડપી બોલર કાગિસો રબાડાએ શાનદાર પ્રદર્શન કરતા એક મોટો રેકોર્ડ પોતાના નામે કર્યો છે. રબાડાએ ટેસ્ટ ક્રિકેટમાં સૌથી ઓછા બોલ રમીને 350 વિકેટ ઝડપવાની સિદ્ધિ મેળવી છે. ઓસ્ટ્રેલિયા સામેની આ મહત્વપૂર્ણ મેચમાં રબાડાએ ઓસ્ટ્રેલિયન બેટિંગ લાઇન-અપની કમર તોડી નાખી હતી.
મેચના પ્રથમ સત્રમાં ઓસ્ટ્રેલિયન ટીમની શરૂઆત અત્યંત ખરાબ રહી હતી અને લંચ સુધીમાં મહેમાન ટીમ માત્ર 60 રનમાં જ પોતાની 7 મહત્વની વિકેટ ગુમાવી ચૂકી હતી. જોકે, લંચ બાદ કેમેરોન ગ્રીન અને કેપ્ટન પેટ કમિન્સે ઇનિંગ્સ સંભાળવાનો પ્રયાસ કર્યો હતો. હાલમાં આ રોમાંચક સિરીઝ 1-1ની બરાબરી પર ચાલી રહી છે. જો દક્ષિણ આફ્રિકા આ મેચ જીતવામાં સફળ રહે છે, તો તે ટેસ્ટ રેન્કિંગમાં ઓસ્ટ્રેલિયાને પાછળ છોડીને આગળ નીકળી જશે.
