ગુજરાત કે દેશના અન્ય ખૂણેથી અવારનવાર એવા ચોંકાવનારા કિસ્સા સામે આવે છે જે મગજને બહેરાવી દે. તાજેતરમાં જ એક એવી ઘટના સામે આવી છે જેણે સાંભળનારા સૌ કોઈને હચમચાવી દીધા છે. હજુ તો જીવનના નવા સપનાં જોવા શરૂ જ કર્યા હતા અને હાથની મહેંદીનો રંગ પણ ફીકો નથી પડ્યો ત્યાં જ એક હસતી-રમતી યુવતીનું અચાનક દુનિયા છોડી જવું એ કોઈ મોટા વજ્રાઘાત સમાન છે. મુસ્કાન સિમોલિયા નામના આ નવપરિણિતા પોતાના પતિ નિલેશ સાથે એક હોટેલ રૂમમાં ચેક-ઇન કરવા પહોંચી હતી. રૂમનો દરવાજો ખોલીને અંદર પગ મૂકવાની જ તૈયારી હતી કે માત્ર 5 જ સેકન્ડમાં એવું કઈક બન્યું કે મુસ્કાન દરવાજા પાસે જ ઢગલો થઈને નીચે પડી ગઈ અને ક્ષણવારમાં જ તેનું મોત નીપજ્યું.
આ અચાનક બનેલી દુર્ઘટનાથી પતિ નિલેશ પણ ડઘાઈ ગયો હતો અને તેને સમજાયું નહીં કે આ શું થઈ ગયું. હોટેલના કોરિડોર અને રૂમની બહાર લાગેલા સીસીટીવી કેમેરામાં આખી ઘટના કેદ થઈ ચૂકી છે. ફુટેજમાં સ્પષ્ટ દેખાઈ રહ્યું છે કે મુસ્કાન ચાલીને રૂમ સુધી આવે છે અને અચાનક જ ફ્લોર પર ફસડાઈ પડે છે. આ વીડિયો સોશિયલ મીડિયા પર અને ન્યૂઝ ચેનલોમાં વાયરલ થતાં જ ચકચાર મચી ગઈ છે. સામાન્ય રીતે આ કુદરતી મોત કે અકસ્માત હોવાનું લાગતું હતું, પરંતુ મામલો ત્યારે વધુ ગંભીર બન્યો જ્યારે મૃતક મુસ્કાનના પિતાએ પોતાના જ જમાઈ નિલેશ સામે ખુલ્લેઆમ હત્યાનો ગંભીર આક્ષેપ મૂકી દીધો. પિતાના આ ગંભીર આરોપ બાદ સમગ્ર કેસનો પ્રવાહ બદલાઈ ગયો છે.
પોલીસ અને તપાસ એજન્સીઓ માટે આ કેસ એક મોટો કોયડો બની ગયો છે. પોલીસે તાત્કાલિક કાર્યવાહી કરીને સીસીટીવી ફુટેજ કબજે કરી લીધા છે અને પતિ નિલેશને પણ પૂછપરછ માટે અટકાયતમાં લીધો છે. પોસ્ટમોર્ટમ રિપોર્ટની રાહ જોવામાં આવી રહી છે જેથી સાચું કારણ જાણી શકાય કે મુસ્કાનને હાર્ટ અટેક આવ્યો હતો, કોઈ ઝેરી પદાર્થની અસર હતી કે પછી ખરેખર કોઈએ તેનો ઘાતકી અંજામ આપ્યો છે. પોલીસ અધિકારીઓનું કહેવું છે કે તમામ પાસાઓ પર બારીકાઈથી તપાસ ચાલી રહી છે અને રિપોર્ટ આવ્યા બાદ જ મોત પાછળનું અસલી રહસ્ય બહાર આવશે, પરંતુ આ ઘટનાએ પરિવાર અને સમાજને ભારે આઘાતમાં મૂકી દીધા છે.
