ફૂટબોલના રસિયાઓ માટે એક મોટા સમાચાર સામે આવી રહ્યા છે. વર્ષ 2026ના બેલ્યોન ડી ઓર એવોર્ડ સેરેમનીની તારીખ અને સમય જાહેર થઈ ચૂક્યો છે. આ ભવ્ય સેરેમની આગામી 26 ઓક્ટોબરે લંડનના પ્રખ્યાત પાલેડિયમ ખાતે યોજાવાની છે. વર્ષ 2025માં આ એવોર્ડ ઉસ્માન ડેમ્બેલેએ જીત્યો હતો, જ્યારે વિમેન્સ કેટેગરીમાં આઈટાના બોનમાટીએ બાજી મારી હતી. હવે 2025ના આ વિનર પાસેથી ટ્રોફી કોણ છીનવશે અને નવો કિંગ કોણ બનશે, તેને લઈને ચાહકોમાં અત્યારથી જ ભારે ઉત્સુકતા જોવા મળી રહી છે.
આ વર્ષની મેન્સ કેટેગરીની યાદી પર નજર કરીએ તો ખતરો ખેલાડીઓનું લિસ્ટ ખૂબ જ લાંબુ છે. કુલ 30 નોમિનીઝના નામ જાહેર કરવામાં આવ્યા છે, જેમાં ફૂટબોલ જગતના સુપરસ્ટાર્સ જેવા કે હેરી કેન, લામાઈન યમાલ, કિલિયન એમ્બાપે, એર્લિંગ હાલેન્ડ અને ફૂટબોલના જાદુગર ગણાતા લિયોનેલ મેસી પણ સામેલ છે. આ તમામ ખેલાડીઓએ પોતાના શાનદાર પરફોર્મન્સના જોરે આ લિસ્ટમાં જગ્યા બનાવી છે, જેથી કોણ જીતશે તેની સચોટ આગાહી કરવી અત્યારે મુશ્કેલ બની ગયું છે.
જો તમે ભારતમાં બેસીને આ રોમાંચક સેરેમનીને માણવા માંગતા હો, તો તમારા માટે ટાઈમિંગ નોંધી લેવા જેવા છે. ભારતીય દર્શકો આ લાઈવ ઇવેન્ટનો આનંદ 27 ઓક્ટોબરની રાત્રે 1:30 વાગ્યાથી માણી શકશે. દુનિયાભરના સ્પોર્ટ્સ લવર્સ માટે આ એક નાઈટ ટુ રીમેમ્બર રહેવાની છે, કારણ કે ફૂટબોલની દુનિયાના સર્વશ્રેષ્ઠ ખેલાડીના નામ પરથી પડદો ઉચકાઈ રહ્યો છે. 30 ખેલાડીઓની આ જંગમાં કોણ જીતનો તાજ પહેરે છે, તે તો આવનારો સમય જ બતાવશે.
