સુરેન્દ્રનગર જિલ્લાના થાનગઢ અને જામવાડી પંથકમાં ભૂગર્ભીય ખનીજ સંપત્તિનું મોટા પાયે ઉત્ખનન ચાલી રહ્યું છે, જેમાં ખનીજ પટ્ટાધારકો દ્વારા નિર્ધારિત મંજૂરી કરતા વધુ વિસ્તારમાં બિનઅધિકૃત ખોદકામ કરીને ગેરકાયદેસર ખનન આચરવામાં આવતું હોવાનો પર્દાફાશ થયો છે. જિલ્લા ભૂસ્તરશાસ્ત્રી કચેરીની તપાસ ટુકડીઓ દ્વારા હાથ ધરવામાં આવેલી સઘન ચકાસણી દરમિયાન પ્રકાશમાં આવ્યું હતું કે, પટ્ટાધારકો દ્વારા સરકારી નિયમોને નેવે મૂકીને ખનીજ વહન પરવાનાનો ગંભીર દુરુપયોગ કરવામાં આવી રહ્યો હતો. માત્ર કાગળ પર જ ખનન પટ્ટા દર્શાવીને તેની આડમાં બહારના સરકારી કે ખાનગી જમીન ક્રમાંકોમાંથી બારોબાર કરોડો રૂપિયાનું કાળું ખનીજ ઉલેચી લેવાનું મસમોટું કૌભાંડ પકડી પાડવામાં આવ્યું છે. ભૂસ્તર વિભાગ દ્વારા સ્થળ પર જઈને કરવામાં આવેલી ભૂમિ માપણી અને તકનીકી ચકાસણીમાં ગેરકાયદેસર ખનનનો ચોક્કસ તાળો મેળવવામાં આવ્યો હતો. આ તપાસમાં સરકારી તિજોરીને ભારે આર્થિક નુકસાન પહોંચાડવામાં આવ્યું હોવાનું સ્પષ્ટ થતાં, સુરેન્દ્રનગર ભૂસ્તર કચેરી દ્વારા પાંચ કસૂરવાર પટ્ટાધારકો વિરુદ્ધ કડક શિક્ષાત્મક પગલાં ભરીને કુલ રૂપિયા ૬૪૦ કરોડથી વધુની માતબર રકમનો દંડ ફટકારવામાં આવ્યો છે. જેમાં જામવાડીના જમીન ક્રમાંક ૨૧/૨/૧ પૈકીના વિસ્તારમાં ખનન કરતા ધરમશીભાઈ મંગાભાઈ કોળીને સૌથી વધુ રૂપિયા ૩૩૮ કરોડથી વધુનો (રૂ. ૩,૩૮,૨૨,૨૫,૩૬૪) તેમજ જમીન ક્રમાંક ૨૧/૨ પૈકી ૧ ના પટ્ટાધારક વિઠ્ઠલભાઈ જાગાભાઈ અલગોતરને રૂપિયા ૧૫૭ કરોડથી વધુનો (રૂ. ૧,૫૭,૦૩,૫૭,૯૫૨) દંડ કરવામાં આવ્યો છે. આમ, માત્ર જામવાડીના આ બે પટ્ટાધારકો પાસેથી જ અંદાજે રૂપિયા ૪૯૫ કરોડથી વધુની રકમ વસૂલવા હુકમ કરાયો છે.
આ ઉપરાંત, સ્વર્
