ચેન્નાઈના પલાવક્કમ વિસ્તારમાં બનેલી આ ઘટનાથી સમગ્ર વિસ્તારમાં સનસનાટી ફેલાઈ ગઈ છે. શુક્રવારે સવારે મૃતક મુથુપ્રિયા અને તેના પતિ વિવેક વચ્ચે કોઈ બાબતે ઉગ્ર બોલાચાલી થઈ હતી. મૂળ તિરુવારુર જિલ્લાના વતની અને લક્ઝરી હોટલમાં ડ્રાઇવર તરીકે કામ કરતા વિવેકે લગ્નજીવનના શરૂઆતથી જ પોતાની પત્ની પર ખોટા આરોપો લગાવવાનું શરૂ કર્યું હતું. વિવેક અવારનવાર મુથુપ્રિયા પર શંકા કરતો હતો અને લગ્ન પહેલાં તેને ધોખો આપ્યાનો આક્ષેપ કરીને વારંવાર ઝઘડા કરતો હતો. શુક્રવારે સવારે આ વિવાદ એટલો વધી ગયો કે વિવેકે આવેશમાં આવીને મુથુપ્રિયાને જમીન પર પછાડી દીધી અને રસોડામાં વપરાતા તપ્પુથી તેના ગળા તથાડ જડબાના ભાગે ધડાધડ ૧૦ જેટલા ઘા ઝીંકી દીધા, જેના કારણે તેનું ઘટનાસ્થળે જ કરુણ મૃત્યુ થયું હતું.
આ ભયાનક અપરાધને અંજામ આપ્યા બાદ આરોપી વિવેકે કોઈ સરોપ વગર પોતાની અઢાર મહિનાની માસૂમ પુત્રી થિરુવેનબાને મુદિચુર ખાતે રહેતા તેના ભાઈ વિનોદના ઘરે સુરક્ષિત મૂકી દીધી હતી. આટલું કર્યા પછી, તે સીધો જ નીલનકરઈ પોલીસ સ્ટેશન પહોંચ્યો હતો અને પોલીસ સમક્ષ પોતાની પત્નીની હત્યા કરી હોવાની કબૂલાત કરીને આત્મસમર્પણ કર્યું હતું. પોલીસે તાત્કાલિક કાર્યવાહી કરીને આરોપી પતિની ધરપકડ કરી લીધી છે અને સમગ્ર મામલે વધુ તપાસ હાથ ધરી છે. આ નિર્દય હત્યાના કારણે અઢી વર્ષની નાની માસૂમ પુત્રીના માથેથી માતાની છત્રછાયા છીનવાઈ ગઈ છે, જ્યારે પિતા જેલના સળિયા પાછળ પહોંચી ગયા છે.
પોલીસની પ્રાથમિક તપાસમાં અને પરિવારજનોની પૂછપરછમાં એક મોટો ખુલાસો થયો છે કે આરોપી વિવેક માનસિક સ્વાસ્થ્ય સંબંધી સમસ્યાઓથી પીડાઈ રહ્યો હતો. ત્રણ મહિના અગાઉ જ તેણે મદુરાઈની કેકે નગર સ્થિત એક ખાનગી હોસ્પિટલમાં માનસિક સ્વાસ્થ્યની સારવાર પણ લીધી હતી. હોસ્પિટલમાંથી ઘરે પરત આવ્યા બાદ તેણે માત્ર દસ દિવસ જ નિયમિત દવાઓનું સેવન કર્યું હતું અને ત્યારબાદ ડૉક્ટરની સલાહ વિરુદ્ધ દવાઓ બંધ કરી દીધી હોવાનું સામે આવ્યું છે. માનસિક અસ્થિરતા અને અતિશય શંકાસ્પદ માનસિકતાના કારણે આ પરિવારે પોતાની જિંદગી બરબાદ કરી દીધી છે, ત્યારે પોલીસે આ કેસમાં તમામ પાસાઓ પર ઊંડાણપૂર્વક તપાસ શરૂ કરી છે.
