ભારતીય રિયલ એસ્ટેટમાં એનઆરઆઈ (NRI) રોકાણકારોનો ભારે ઉત્સાહ, આ શહેરો છે ખરીદીમાં મોખરે

દેશના રિયલ એસ્ટેટ ક્ષેત્રમાં નોન-રેસિડેન્ટ ઇન્ડિયન્સ (NRI) દ્વારા પ્રોપર્ટીની ખરીદીમાં અભૂતપૂર્વ વધારો જોવા મળ્યો છે. રેકોર્ડબ્રેક સંખ્યામાં એનઆરઆઈ ખરીદદારો ભારતમાં પ્રોપર્ટી ખરીદી રહ્યા છે. બદલાતી પ્રાથમિકતાઓને કારણે એનઆરઆઈ ખરીદદારોના વલણમાં મોટો બદલાવ આવ્યો છે, જે દર્શાવે છે કે વિદેશમાં વસતા પરિવારો હવે ભારતમાં પ્રોપર્ટીની માલિકી અને રોકાણ પ્રત્યે કેવો દ્રષ્ટિકોણ ધરાવે છે. ટાયર-૧ અને ટાયર-૨ શહેરોમાં લક્ઝરી અને પ્રીમિયમ હાઉસિંગ પ્રોજેક્ટ્સની માંગમાં સૌથી વધુ ઉછાળો નોંધાયો છે. રિયલ એસ્ટેટના નિષ્ણાતોના મતે, ભારતીય અર્થવ્યવસ્થાની મજબૂતાઈ અને પારદર્શક નિયમોને કારણે એનઆરઆઈ રોકાણકારોનો વિશ્વાસ સતત વધી રહ્યો છે.