આંધ્રપ્રદેશમાંથી એક અત્યંત ચોંકાવનારી ઘટના સામે આવી છે. ક્લાસરૂમમાં શિક્ષક હાજર હોવા છતાં એક શખ્સ હાથમાં ચેઇનસો (વૃક્ષ કાપવાનું મશીન) લઈને ઘૂસી આવ્યો હતો અને બે માસૂમ વિદ્યાર્થિનીઓ પર જીવલેણ હુમલો કર્યો હતો.
આ હુમલામાં ગંભીર રીતે ઘાયલ થયેલી બંને સગીરાઓને તાત્કાલિક ધોરણે કટોકટીની સારવાર માટે અનંતપુરની સરકારી જનરલ હોસ્પિટલ (GGH) ખાતે ખસેડવામાં આવી છે. આ ઘટના બાદ શાળા સંકુલમાં ભયનો માહોલ છવાઈ ગયો છે અને સમગ્ર વિસ્તારમાં ભારે ચકચાર મચી ગઈ છે. પોલીસ દ્વારા આ મામલે આગળની તપાસ હાથ ધરવામાં આવી છે.
