જો તમે Jio યુઝર છો અને વારંવાર રિચાર્જ કરવાના ઝંઝટથી છુટકારો મેળવવા માંગતા હોવ, તો કંપનીનો ₹999નો પ્રીપેડ પ્લાન તમારા માટે ખૂબ જ કામનો સાબિત થઈ શકે છે. આજની ભાગદોડ ભરેલી લાઇફમાં ફોન સતત ચાલુ રાખવા માટે બજેટ ફ્રેન્ડલી અને લાંબી મુદતના પ્લાન વગર ચાલે તેમ નથી, અને આ જ જરૂરિયાતને ધ્યાનમાં રાખીને Jio પોતાના ગ્રાહકો માટે આ શાનદાર ઓફર લઈને આવ્યું છે. આ પ્લાન ખાસ કરીને એવા યુઝર્સ માટે બેસ્ટ છે જેઓ એક જ વારમાં લાંબા સમય માટે રિચાર્જની ચિંતામાંથી મુક્ત થવા માંગે છે.
આ પ્રીપેડ રિચાર્જ પ્લાનમાં ગ્રાહકોને પૂરા 98 દિવસની વેલિડિટી મળે છે. આ લાંબી મુદત દરમિયાન યુઝર્સને દરરોજ 2GB હાઈ-સ્પીડ ડેટા આપવામાં આવે છે, જે હિસાબે કુલ 196GB ડેટાનો લાભ મળે છે. જો કે, દૈનિક ડેટા લિમિટ પૂરી થયા બાદ ઈન્ટરનેટ સ્પીડ ઘટીને 64kbps થઈ જાય છે. આ ઉપરાંત, આ પ્લાનમાં દેશભરમાં કોઈપણ નેટવર્ક પર અનલિમિટેડ વોઈસ કોલિંગ અને દરરોજ 100 SMSની સુવિધા પણ મળે છે. એટલું જ નહીં, જે વિસ્તારોમાં 5G નેટવર્ક ઉપલબ્ધ છે ત્યાં પાત્ર ગ્રાહકોને અનલિમિટેડ 5G ડેટાનો પણ ફ્રી ફાયદો મળી રહ્યો છે.
માત્ર કોલિંગ અને ઈન્ટરનેટ પૂરતું મર્યાદિત નથી, પરંતુ આ પ્લાનમાં એન્ટરટેઈનમેન્ટ અને ડિજિટલ ટૂલ્સની પણ ભરમાર છે. યુઝર્સને મનોરંજન માટે JioHotstarનું કોમ્પ્લિમેન્ટરી મોબાઈલ સબસ્ક્રિપ્શન મળે છે, સાથે જ JioAICloud પર 5,000GB એટલે કે 50GB ફ્રી ક્લાઉડ સ્ટોરેજની પણ સુવિધા આપવામાં આવે છે જેથી ફોટા અને વીડિયો સુરક્ષિત રાખી શકાય. આ સિવાય ખાસ ફાયદા તરીકે ગ્રાહકોને Google Gemini Proનું 18 મહિનાનું મફત સબસ્ક્રિપ્શન અને Canva Pro Liteનું 12 મહિનાનું સબસ્ક્રિપ્શન પણ બિલકુલ ફ્રીમાં મળે છે.
